• Latest news

Գիտնականները անբուժելի քաղցկեղի բուժման նոր միջոց են առաջարկել

2 մայիսի, 2020  22:20

Հարվարդի գիտահետազոտական ինստիտուտի եւ Ջոն Փոլսոնի անվան ինժեներական ու կիրառական գիտությունների հարվարդյան դպրոցի գիտնականները անբուժելի քաղցկեղի, որը կայուն է իմունային համակարգի հանդեպ, բուժման նոր միջոց են առաջարկել։ Նրանք մշակել են միջոց, որը ստիպում է մակրոֆագի բջիջներին պայքարել ուռուցքի դեմ։ Գիտնականների հոդվածը հրապարակվել է Science Advances ամսագրում։

Աշխատանքի հեղինակները ստեղծել են մասնիկ, որն անվանել են «ուսապարկ»։ Այդ մասնիկը կապվում է մակրոֆագների մակերեւույթի հետ եւ կարգավորում դրանց ֆենոտիպը՝ չարորակ բջիջների դեմ պայքարի վիճակում պահելով։

«Ուսապարկերը» մի քանի օր խուսափում են բջիջներին (ֆագոզիտոզին) կուլ գնալուց եւ անընդմեջ արտադրում են ցիտոկիններ՝ ազդանշանային մոլեկուլներ, որոնք ակտիվացնում են մակրոֆագների հակաուռուցքային ազդեցությունը։

Այս տեխնոլոգիայի օգտագործմամբ բուժումը արդյունավետություն է ցույց տվել նույնիսկ կրծքագեղձի քաղցկեղի հյուսվածքներում, որտեղ իմունիտետը շատ ճնշված է։

Մակրոֆագները կլանում եւ ոչնչացնում են օրգանիզմի համար այնպիսի պոտենցիալ սպառնալիքները, ինչպիսին են վիրուսները, մանրէները եւ քաղցկեղային բջիջները։ Սակայն չարորակ բջիջները ունակ են արտադրել նյութեր, որոնք մակրոֆագները վերաուղղում են ուռուցքի աճին նպաստող վիճակի։ Դրանք ճնշում են իմունային համակարգը եւ խթանում արյունատար անոթների աճը, որոնք ուռուցքը մատակարարում են սննդարար նյութերով եւ ապահովում են դրա հետագա մետաստազացումը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել