• Latest news

Ինչպիսի՞ գործոններ կարող են խանգարել կորոնավիրուսի ախտորոշման թեստի ճշգրիտ արդյունք ստանալուն

12 մայիսի, 2020  13:48

Որոշ գործոններ կարող են խանգարել կորոնավիրուսի ախտորոշման թեստի ճշգրիտ արդյունք ստանալուն, պնդում է ինֆեկցիոն հիվանդությունների ախտորոշման հարցերի մասնագետ Դմիտրի Գորդեեւը (Ռուսաստան):

Մասնագետի խոսքով՝ թեստի արդյունքը կարող է ոչ ճշգրիտ լինել թեստավորմանը պատրաստելու կանոնների խախտման պատճառով, հայտնում է ՌԲԿ-ն: Արդյունքների վրա կարող են ազդել նաեւ կենսաբանական նյութը վերցնելու գործողության խախտումները: Օրինակ՝ պացիենտից նյութը սխալ վերցնելու ժամանակ զոնդի վրա կարող է հայտնվել բջիջների անբավարար քանակություն: Քսուքն անհրաժեշտ է վերցնել  կոկորդի հետին պատից, ընդգծել է մասնագետը:

Եթե «ոչ կոնտակտային» թեստերով գործողությունն անցկացնի պացիենտը, արդյունավետության նվազման հավանականություն կա:

«Սա կարող է տեղի ունենալ ինչպես բջիջներ վերցնելու համար սխալ ընտրված կետի պատճառով, այնպես էլ հազի կամ փսխելու ռեֆլեքսի պատճառով՝ կոկորդի հետին մակերեւույթի գրգռմանը բնական ռեակցիա, որը կխախտի բջիջները վերցնելու գործողությունը»,- նշել է Գորդեեւը:

Մասնագետը շեշտել է նաեւ թեստավորմանը նախապատրաստելու կարեւորությունը: Խորհուրդ է տրվում մինչեւ անալիզի հանձնումը խուսափել ուտելուց, խմելուց, ծխելուց եւ կոկորդը ողողելուց:

«Վիրուսն ախտահարում է շնչուղիների լորձաթաղանթի բջիջները: Բջիջների մեջ թափանցելով՝ այն սկսում է բազմանալ եւ վիրուսի նոր պատճենները բջիջներից դուրս են գալիս՝ կուտակվելով դրանց մակերեւույթին: Բայց լորձաթաղանթը ծածկող բջիջները՝ էպիթելային բջիջները հաճախ վերականգնվում են: Ջրի, սնունդի, թքի ավելցուկի (ծխելու հետեւանք է) հետ դրանք հայտնվում են կերակրափողում»,- նշել է մասնագետը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է