• Latest news

Կոմայից դուրս եկած մարդուն զարմացրել են COVID-19 համավարակի մասին պատմությամբ

19 մայիսի, 2020  20:15

Մեծ Բրիտանիայից 69-ամյա Բրայան Հարվին մի քանի շաբաթ գտնվել է արհեստական կոմայի մեջ։ Երբ նա արթնացել է, նրան զարմացրել են երկրում մոլեգնող COVID-19 համավարակի մասին պատմությամբ։

Ինչպես պատմում է Metro-ն, մարտի 21-ին պնեւմոնիայից տառապող Հարվիին հոսպիտալացրել եւ միացրել են թոքերի արհեստական օդափոխման սարքին։ Բարդությունների պատճառով նրան կոմայի մեջ են գցել, եւ միայն դրանից հետո կորոնավիրուսի թեսթ կատարել։ Արդյունքը դրական է եղել։  

Երբ 6 թոռների պապ Հարվին ընկել էր ինտենսիվ թերապիայի բաժանմունք, համավարակը դեռեւս այս թափը չուներ Մեծ Բրիտանիայում։ Սակայն չորս շաբաթվա ընթացքում, երբ նա կոմայի մեջ էր, ցուցանիշները կրիտիկական աճել էին՝ երկրում արդեն հայտնաբերվել էր ավելի քան 247 000 վարակված, նրանցից 34 000-ը մահացել էին։

«Նա ուշքի եկավ եւ հայտարարեց, որ առաջին անգամ է լսում կորոնավիրուսի մասին։ Մենք ստիպված էինք բացատրել, որ աշխարհում տարածվում է վտանգավոր վիրուս, եւ բոլոր հաստատությունները փակ են»,- պատմել է նրա 32-ամյա դուստր Ֆեյ Սթեյփլթոնը։

Երբ Հարվին FaceTime-ով կապի մեջ է մտել ընտանիքի հետ, նրա բոլոր հարազատները լաց են եղել։

«Նա հարցրեց մեզ՝ ինչու ենք մենք լալիս։ Մենք բացատրեցինք նրան, որ վախենում էինք այլեւս չտեսնել նրա անունը զանգող հեռախոսի էկրանին»,- պատմել է Սթեյփլթոնը։

Ներկայում Հարվին ֆիզիոթերապիա է անցնում, որպեսզի վերականգնի անշարժ մնալուց խեղված մկանները։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ