• Latest news

Գտնվել է առանց սննդակարգի հետեւելու բարեկազմության պահպանման բանալին

31 մայիսի, 2020  16:49

Ավստրիայի գիտությունների ակադեմիային առընթեր մոլեկուլային կենսատեխնոլոգիայի ինստիտուտից (IMBA) գիտնականների խումբը պարզել է, որ մարդու նիհարության համար կարող է պատասխանատու լինել առանձիին գեն, ինչը, հեղինակների կարծիքով, կօգնի «բարեկազմության դեղի» ստեղծմանը, հայտնում է Cell ամսագիրը:

«Գիտնականների մեծամասնությունն ուսումնասիրում է ճարպակալումը եւ ճարպակալման գենետիկան»,- ասել է աշխատանքի հեղինակներից Ջոզեֆ Փենինգերը:

Գիտնականներն ուսումնասիրել են Էստոնիայի գենետիկայի կենտրոնի տվյալների բազան եւ հայտնաբերել մարդկանց խումբ, որոնք չեն գիրանում՝ անկախ սնունդի գործածումից: Հեղինակները նրանց շրջանում էլ սկսել են որոնել ընդհանուր գենետիկ մարկերները:

Պարզվել է, որ նիհարության համար կարող է պատասխանատու լինել ALK գենի մուտացիան: Ըստ հետազոտության՝ դրա սինթեզի ճնշումը կարող է բերել ճարպի արագ այրման:

«ALK-ը լայնորեն ուսումնասիրվել է քաղցկեղի ենթատեքստում, սակայն այդ ենթատեքստից դուրս այս գենի կենսաբանական դերի մասին քիչ բան է հայտնի»,- ասել է հետազոտության ղեկավարներից մեկը՝ Մայքլ Օրթհոֆերը:

Կենդանիների եւ միջատների վրա կատարված փորձարկումները ցույց են տվել, որ հիպոթալամուսի հատվածում, որը, ինչպես նշվում է, մետաբոլիզմի համակարգման կենտրոնական կետն է, ALK-ի անջատումը ճարպի այրում է առաջացնում:

Գիտնականների կարծիքով՝ այս գենի համանման հետազոտությունը կարող է գիտությանը հասցնել ճարպակալման դեմ պայքարի նոր դարաշրջանի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է