• Latest news

Միացված հեռուստացույցով քնելը վտանգավոր է կազմվածքի եւ առողջության համար

31 մայիսի, 2020  20:34

Մարդիկ, ովքեր պարբերաբար քնում են այնպիսի պայմաններում, երբ հեռուստացույցը միացած է կամ արհեստական լույսի այլ աղբյուր կա, ավելի հաճախ են ճարպակալման զոհ դառնում: Այսպիսի եզրակացության են եկել ԱՄՆ-ի գիտնականները, ովքեր ուսումնասիրել են 35-75 տարեկան 45 000 մարդու տվյալները, հայտնում է Planet-Today-ը:

Տվյալների վերլուծությունը ցույց է տվել, որ առանց քրոնիկ սրտանոթային պաթոլոգիաների մարդկանց շրջանում, ովքեր քնում են աշխատող հեռուստացույցի կամ արհեստական լույսի այլ աղբյուրի կողքին, ճարպակալման վտանգը աճում է մոտ 20%-ով: Բացի ճարպակալման հավանականությունից, մեծանում է նաեւ ուղեկցող հիվանդությունների զարգացման ռիսկը:

«Եթե դուք պարբերաբար քնում եք միացված հեռուստացույցով, դա կարող է ամենատհաճ հետեւանքները ունենալ ձեր կազմվածքի եւ ընդհանրապես առողջության համար: Խնդիրը, որը մենք ուսումնասիրել ենք, հատկապես արդիական է կանանց համար»,- ասում են հետազոտության հեղինակները՝ Միացյալ Նահանգների Առողջության ազգային ինստիտուտի աշխատակիցները:

Որպեսզի ձեր քունը առավելագույնս առողջ լինի, անհրաժեշտ է ուշադիր հետեւել ննջասենյակում լուսային աղտոտվածությանը, ինչպես նաեւ հետեւել ընդհանուր խորհուրդներին: Օրինակ՝ քնելուց առաջ օդափոխել ննջասենյակը եւ հետեւել ջերմաստիճանին (քնելու տեղում պետք է մի թեթեւ զով լինի): Որակյալ գիշերային հանգստի եւս մեկ կանոն` քնելուց առնվազն մեկ ժամ առաջ պետք է հրաժարվել ցանկացած էլեկտրոնային սարքի հետ փոխազդեցությունից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է