• Latest news

В հեպատիտի դեմ դեղամիջոցը կարող է արդյունավետ լինել կորոնավիրուսի թեթեւ ձեւի դեպքում

28 մայիսի, 2020  16:33

В հեպատիտի դեմ դեղամիջոցը կարող է արդյունավետ լինել կորոնավիրուսային ինֆեկցիայի թեթեւ ձեւի բուժման ժամանակ: Սթենֆորդից գիտնականների կարծիքով՝ այն կօգնի ուժեղացնել հիվանդների իմունային համակարգը:

Նախատեսվում է մոտ ժամանակում անցկացնել այս դեղի կլինիկական փորձարկումներ, հայտնում է բրիտանական The Daily Mail պարբերականը:

Դեղամիջոցը պարունակում է բնական սպիտակուցի արհեստական ձեւը, որն օրգանիզմին օգնում է վերահսկել շնչառական հիվանդությունները՝ իմունիտետը «մոբիլիզացնելով» վարակման հատվածի շուրջը: Գիտնականները հուսով են այս դեղի միջոցով մեծացնել ապաքինման արագությունը եւ նվազեցնել վիրուսի տարածվելիությունը:

«Եթե վիրուսի տարածումը սահմանափակվի, կնվազի այն վարակվածի ընտանիքի անդամներին փոխանցելու հավանականությունը, եւ սա վճռորոշ նշանակություն ունի համաճարակային հիվանդությունների տարածման վերահսկման համար»,- ասել է հետազոտության հեղինակներից մեկը՝ բժիշկ Ուինդերթ Սինգը:

Նա հավելել է, որ հիվանդության անգամ թեթեւ ընթացքի դեպքում նոր կորոնավիրուսը կարող է օրգանիզմին լուրջ վնաս հասցնել եւ բերել անաշխատունակության կորստի:

Դեղի մեջ պարունակվող սպիտակուցի հանդեպ զգայուն ռեցեպտորները գտնվում են թոքերում եւ աղիներում. օրգաններ, որոնք ավելի շատ են ենթակա կորոնավիրուսի հետեւանքով վնասվելուն, նշում են Սթենֆորդից գիտնականները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել