• Latest news

Բժիշկները հաճախակ հանդիպող ախտանիշ են հայտնաբերել մեղմ ընթացքով կորոնավիրուսի ժամանակ

29 մայիսի, 2020  16:04

Տոլեդոյի համալսարանի (Օհայո, ԱՄՆ) հետազոտողների նոր աշխատանքը ցույց է տվել, որ կորոնավիրուսով վարակվածների գրեթե կեսն այնպիսի ախտանիշ է նշել, ինչպիսին համի կորուստն է, գրում է «Ռոսիյսկայա գազետան»:

«Ավելի վաղ արված ուսումնասիրություններում այդ ախտանիշը չի նշվել, ինչը, հավանաբար, պայմանավորված էր այլ ախտանիշների գերակշռությամբ. դա հազն է, ջերմությունը եւ շնչառության հետ կապված խնդիրները: Այժմ պարզ է, որ փոփոխված կամ կորած համային զգացողությունը եւս առկա է հիվանդների զգալի մասի մոտ»,- պարզաբանել են մասնագետները:

Նոր աշխատանքի շրջանակներում հինգ հետազոտության վերլուծություն է կատարվել՝ հունվարի կեսից մինչեւ մարտի վերջ ընկած ժամանակահատվածում: Դրանցում ավելի քան 800 հիվանդ է մասնակցել: Նրանց 49.8 տոկոսը համային զգացողությունների հետ խնդիրներ է ունեցել: Մասնագետների կարծիքով՝ հիմքեր կան կարծելու, որ այս ախտանիշի իրական տարածվածությունն ավելի բարձր է:

Հետազոտողները ենթադրում են, որ համի կորուստը կապված է հիվանդության համեմատաբար մեղմ ընթացքի հետ, եւ ախտանիշը կօգնի պարզել առանց վարակի տիպիկ նշանների հիվանդութկան կրողին:

Համի կորուստը COVID-19-ի դեպքում կարող է բացատրվել վիրուսի՝ այսպես կոչված ACE-2 ընկալիչի հետ կապվելու ունակության հետ, որն արտահայտվում է լեզվի եւ բերանի էպիթելիային բջիջներում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։