• Latest news

Քաղցկեղային բջիջներում հայտնաբերվել է վիրուսներից պաշտպանության մեխանիզմ

3 հունիսի, 2020  19:44

Քաղցկեղային բջիջները կարող են իրենց պաշտպանել վիրուսներից, որոնք վնասակար են ուռուցքային հյուսվածքների համար, բայց ոչ առողջ բջիջների: Սա պարզել են Մեծ Բրիտանիայի Ֆրենսիս Կրիկի ինստիտուտի գիտնականները, եւ այս հայտնագործությունը կօգնի օնկոլոգիական հիվանդությունների բուժման արդյունավետ մեթոդներ մշակել ինֆեկցիոն ագենտների միջոցով: Հետազոտողների հոդվածը հրապարակվել է Nature Cell Biology ամսագրում:

Գիտնականներին հաջողվել է պարզել մեխանիզմը, որի միջոցով ուռուցքն իրեն պաշտպանում է օնկոլոգիական վիրուսներից, որոնք երբեմն օգտագործվում են քաղցկեղային բջիջների ոչնչացման եւ իմունային պատասխանի խթանման համար: Իրականում այս վիրուսներն օգնել են պացիենտների միայն փոքր տոկոսին, եւ ցածր արդյունավետության պատճառը չարորակ բջիջների փոխազդեցությունն է հարեւան բջիջների հետ, մասնավորապես՝ քաղցկեղի հետ ասոցացվող ֆիբրոբլաստների (CAF):

Երբ քաղցկեղային բջիջներն անմիջականորեն շփվում են CAF-ի հետ, առաջանում է բորբոքային ռեակցիա, որը դժվարեցնում է վիրուսների թափանցումը: Երբ բջիջների պարունակության մի մասը անցնում է ֆիբրոբլաստներով, որոնք իրենց հերթին հարեւան հյուսվածքներին ահազանգում են ցիտոկիններ արտադրել, առաջանում է հզոր պաշտպանական պատասխան: Երբ գիտնականներն արգելափակել են այս մեխանիզմը, ուռուցքն ավելի զգայուն է դարձել օնկոլոգիական վիրուսների նկատմամբ, եւ հետեւաբար՝ դրանց հանդեպ ավելի խոցելի:

Հետազոտողների խոսքով՝ դեռեւս շատ բան է անհրաժեշտ պարզել, թե վիրուսներն ինչպես են փոխազդում քաղցկեղի, շրջապատող հյուսվածքների եւ իմունային համակարգի հետ: Սակայն այս հետազոտության արդյունքները կարեւոր քայլ են ուռուցքների բուժման հզոր գործիքի ստեղծման ճանապարհին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ