• Latest news

Հիդրոքսիքլորոքինն անարդյունավետ է կորոնավիրուսի կանխագելման համար. հետազոտություն

5 հունիսի, 2020  21:26

Հիդրոքսիքլորոքին դեղամիջոցը որպես COVID-19-ի հետշփումային կանխարգելման միջոց արդյունավետություն չի ցուցադրել: Այս մասին նշված է New England Journal of Medicine ամսագրում հրապարակված պատահական ընտրանքով կատարված հետազոտության արդյունքներում:

Ինչպես հայտնում է Lenta.ru-ն, հետազոտության հեղինակները՝ Մինեսոտայի համալսարանի (ԱՄՆ) գիտնականները, հիմնվել են 821 պացիենտի մասնակցությամբ փորձի վրա, որոնք 10 րոպե եւ ավելի շփվել են կորոնավիրուսով հիվանդների հետ: Նրանց մեծ մասի (719) վարակման հավանականությունը մեծ էր համարվում, քանի որ չեն օգտագործել պաշտպանական դիմակներ եւ ձեռնոցներ: Պատահական կարգով հետազոտության բոլոր մասնակիցներին նշանակվել է հիդրոքսիլքլորոքինի կամ պլացեբոյի ընդունում:

Պարզվել է, որ հիդրոքսիքլորոքին ստացած 414 մարդուց 49-ը վարակվել է կորոնավիրուսով: Պլացեբո ստացողների խմբում COVID-19 է ախտորոշվել 407 մարդուց 58-ի մոտ: Վարակվածների բաժինը հիդրոքսիքլորոքին ստացածների շարքում կազմել է 11,83 տոկոս ընդդեմ պլացեբո ստացած մասնակիցների 14,25 տոկոսի: Ընդ որում՝ կողմնակի էֆեկտները իսկական դեղամիջոցն ու պլացեբո ստացած խմբերի մոտ կազմել է համապատասխանաբար՝ 40,1 եւ 18,6 տոկոս, բայց 2 խմբերում էլ ծանր հետեւանքներ չեն եղել:

Այսպիսով, գիտնականներն ապացուցել են հիվանդության կանխարգելման դեպքում հիդրոքսիքլորոքինի անօգուտ լինելը, քանի որ դեղը ստացած խմբի եւ պլացեբո ստացած խմբի միջեւ վիճակագրորեն նշանակալի տարբերություն չի եղել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է