• Latest news

Ո՞ր մթերքները կօգնեն թոքաբորբից հետո առողջության վերականգնմանը

17 հունիսի, 2020  17:27

Որոշ մթերքներ կարող են օրգանիզմին օգնել տարած թոքաբորբից հետո վերականգնվելուն, պնդում է սրտաբան եւ թերապեւտ Սվետլանա Զուբաիլովան:

Իմունիտետի ամրացման համար կարեւոր է ամեն օր սպիտակուցների, վիտամինների եւ հանքանյութերի գործածումը. այս բոլոր նյութերը կարեւոր դեր են խաղում բջջային փոխանակության մեջ, հայտնում է rsport.ria.ru-ն:

Մասնագետը խորհուրդ է տալիս առաջին հերթին սննդակարգի մեջ ներառել խոլեստերինի ցածր պարունակությամբ անյուղ միս՝ տավարի, ոչխարի անյուղ, ճագարի միսը եւ թռչնամիսը: Ընդ որում՝ խորհուրդ չի տրվում տապակել եւ օգտագործել սուր համեմունքներ. այդպիսի կերակուրը չափից ավելի «ծանր» է, իսկ հակաբիոտիկների ընդունումից հետո աղեստամոքսային տրակտին որոշ ժամանակ է անհրաժեշտ աշխատանքը կարգավորելու համար:

Ծովամթերքը եւ ծովի ձուկը նույնպես լավ մթերքներ են սննդակարգի մեջ ներառելու համար, քանի որ դրանք յոդի լավ աղբյուր են, որն անհրաժեշտ է էնդոկրինային համակարգի առողջության համար:

«Ծովային կենդանիների պրոտեինը հեշտ է յուրացվում եւ վտանգավոր ճարպեր չի պարունակում: Ծովի ձուկը A եւ E վիտամինների, ինչպես նաեւ Օմեգա-3 եւ Օմեգա-6 չհագեցած ճարպաթթուների ամենաարժեքավոր աղբյուրն է: Այս նյութերն անչափ կարեւոր են իմունիտետի ապահովման եւ վերականգնողական պրոցեսների համար»,- ասել է Սվետլանա Զուբաիլովան:

Ստամոքսի եւ աղիների համար անչափ օգտակար են ապուրները, հատկապես բանջարեղենային: Ձավարեղենը (հնդկաձավար, վարսակաձավար, չշոգեհարված բրինձ, ցորենի եւ գարեձավարի շիլաներ) պարունակում են կարեւոր միկրոտարրեր եւ նպաստում են աղիների գալարակծկանքի արագացմանը: Անհրաժեշտ է նաեւ ավելի շատ ուտել կանաչեղեն, որի մեջ մեծ քանակությամբ բջջանյութ եւ վիտամիններ կան, ինչպես նաեւ մրգեր ու հատապտուղներ:

«Ամեն օր անրաժեշտ է խմել 2 լիտրից ոչ պակաս ջուր: Սա կարեւոր է տոքսինները դուրս բերելու, խորխի ջրիկացման համար: Չափազանց կարեւոր են վիտամինացված հյութերը, կիսելները եւ կոմպոտները»,- հավելել է բժիշկը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ