• Latest news

Ուհանից վիրուսաբանը զգուշացրել է կորոնավիրուսի նոր բռնկումների մասին

1 հուլիսի, 2020  15:57

Ուհանի վիրուսաբանության ինստիտուտի հայտնի հետազոտող Շի Չժենլին, որն իր գործընկեր Ցույ Ցզեի հետ SARS վիրուսը հայտնաբերել է չղջիկների մոտ, նախազգուշացրել է կորոնավիրուսի նոր բռնկումների մասին: Այս մասին հայտնում է Mirror-ը:

Վիրուսաբանը պնդում է, որ այն, ինչ այսօրվա դրությամբ գիտնականները հայտնաբերել են, այսբերգի միայն գագաթն է: Նրա նոր հոդվածում, որը դեռեւս գրախոսություն չի անցել, նշվում է, որ կորոնավիրուսները զարգանում են եւ ապագայում չղջիկներից մարդկանց ավելի հեշտ են փոխանցվելու: Ավելին՝ Ուհանում COVID-19-ի վերջին բռնկումը Շի Չժենլին նկարագրել է որպես ամբողջ աշխարհի համար տագնապի ազդանշան:

Վիրուսաբանը նշել է, որ մարդիկ ավելի հաճախ են ներխուժում բնության աշխարհի մեջ, եւ վայրի կենդանիների տեղափոխության հետ համակցությամբ ստեղծվում են հիվանդությունների տարածման համար կատարյալ պայմաններ: Նա շեշտել է, որ ներկայումս չղջիկները դարձել են կորոնավիրուսի 6 բռնկման պատճառ, այդ թվում՝ COVID-19 համավարակի:

Գիտնականին հաջողվել է չղջիկների օրգանիզմում հայտնաբերել կորոնավիրուսի մոտ 1500 տարբեր տեսակներ: Հետազոտության ընթացքում, որի արդյունքները հրապարակվել էին մայիսին, կենդանիների թքի, արյան եւ արտաթորանքի 15 հազար նմուշների անալիզի ժամանակ 10 տոկոսում հայտնաբերվել է «կորոնավիրուսների մի ամբողջ տիեզերք», որը հետագայում սառեցվել է ինստիտուտում պահելու համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել