• Latest news

Գիտնականները ռոբոտ են ստեղծել, որը կարող է ոչնչացնել կորոնավիրուսը

2 հուլիսի, 2020  12:20

Բահրեյնից գիտնականները ռոբոտ են մշակել, որը կարող է ոչնչացնել կորոնավիրուսը եւ այլ միկրոօրգանիզմներ: Այս մասին հայտնում է The Daily Mail պարբերականը:

Այս ռոբոտը վիրուսի վրա ազդում է կարճալիք ուլտրամանուշակագույն ճառագայթմամբ, որը 30 րոպեում սպանում է բոլոր միկրոօրգանիզմների մինչեւ 90 տոկոսը՝ քայքայելով դրանց թաղանթը, ինչի հետեւանքով օրգանիզմների ԴՆԹ-ն ոչնչանում է: Սակայն մշակման պահին մարդիկ չպետք է սենյակում լինեն, քանի որ սարքի լույսը կարող է վնասել մարդկային բջիջները:

Ավելին՝ ռոբոտը կարող է խոսել 12 լեզվով, չափել մարմնի ջերմությունը, արձագանքել ձայնային հրամաններին եւ օգտագործել պացիենտների դեմքի ճանաչման տեխնոլոգիան:

Արեւելյան Անգլիայի համալսարանի պրոֆեսոր Փոլ Հանթերը նշել է, որ ուլտրամանուշակագույնն արդյունավետորեն է պայքարում վիրուսների մեծամասնության դեմ, ուստի «զարմանալի չէ, որ ուլտրամանուշակագույն լույսը SARS-CoV-2-ն ապաակտիվացնում է»:

Ռոբոտը հիմա փորձարկում են արդյունաբերական պայմաններում: Արդեն 2 ռոբոտ է թողարկվել Բահրեյնի բուժհաստատություններում օգտագործելու համար:

Բահրեյնի առողջապահության նախարարությունից բժիշկ Վալիդ Ալ Մանեան այս մեքենաներն անվանել է «բժշկական հեղափոխություն», քանի որ կարող են օգնություն ցուցաբերել բժիշկներին եւ բուժքույրերին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել