• Latest news

Գիտնականները COVID-19-ի դեմ պատվաստանյութ են մշակում կատուների եւ ջրաքիսների համար

4 հուլիսի, 2020  15:58

«Ռոսսելխոզնադզոր»-ի (Ռուսաստան) ենթակայության տակ գտնվող Կենդանիների առողջության դաշնային կենտրոնի մասնագետները COVID-19-ի դեմ պատվաստանյութ են մշակում: Այս մասին «Անասնաբուժություն եւ կյանք» պարբերականին հայտնել է կենտրոնի հետազոտությունների եւ մոնիտորինգի գծով փոխտնօրեն Իլյա Չվալան:

Ըստ Medportal-ի՝ ապագայում նման պատվաստանյութը խորհուրդ կտրվի հիմնականում կենդանաբուծական տնտեսություններին, որտեղ արդյունաբերական ծավալներով ջրաքիսներ են բուծվում․ նման վայրերում արակի ներտեսակային փոխանցման մեծ ռիսկ կա, այսինքն, մի կենդանին կարող է վարակել մյուսին: Հաշվի առնելով ջրաքիսների կուտակվածությունը ֆերմաներում՝ դրանց զանգվածային վարակման հավանականությունը շատ մեծ է: Նման բան արդեն տեղի է ունեցել Դանիայի եւ Նիդեռլանդների 14 ձեռնարկությունում, ինչից հետո այդ երկրների իշխանությունները որոշեցին ոչնչացնել վարակված կենդանիներին:

«Ավելին, հոլանդացիները բարձրաձայնել են, որ վարակված ջրաքիսները վարակման աղբյուր են դարձել սպասարկող անձնակազմի համար, ինչը եւս մտահոգություն է առաջացնում անասնաբուժական եւ բժշկական ծառայությունների մոտ,- շեշտել է Իլյա Չվալան:- Ուստի ամենակարեւորը հիվանդության նկատմամբ զգայուն կենդանիների նախիրների մեջ վարակի ներթափանցումը թույլ չտալն է: Իհարկե, կանխարգելման մեթոդներից մեկը պատվաստումն է»:

Ավելի վաղ «Ռոսսելխոզնադզոր»-ի գիտական ​​բաժանմունքների մասնագետները կենդանիների շրջանում կորոնավիրուսի ախտորոշման թեստային համակարգեր էին մշակել: Ներկայումս հետազոտվել է 59 կենդանու (շներ, կատուներ, ջրաքիսներ, առյուծներ, գայլեր եւ ոզնիներ) նմուշները: Դեռ COVID-19-ի հարուցիչ է հայտնաբերվել Մոսկվայում տնային կատվի մոտ։

Ըստ Լոնդոնի Համալսարանական քոլեջի (University College London) մանրէաբան Ջոան Սանտինիի՝ վիրուսը աննկատ կարող է տարածվել որոշ կենդանիների մոտ։

Հաճախ պաթոգենները պտտվում են տարբեր տեսակների միջեւ, ինչը դժվարացնում է վիրուսների տարածման վերահսկումը: Ամենայն հավանականությամբ, մարդը SARS-CoV-2 է ստացել չղջիկներից, սակայն հետազոտողները չգիտեն, թե քանի կենդանի է ներգրավված եղել փոխանցման շղթայում:

Հայտնի է, որ առնվազն տասներկու տարբեր կենդանի նախահակվածություն ունեն կորոնավիրուսի նկատմամբ, այդ թվում՝ տնային շներն ու կատուները, առյուծները, վագրերը եւ ֆերմային ջրաքիսները: Սա, օրինակ, նշանակում է, որ կզաքսիայինների ընտանիքի բոլոր կենդանիները կարող են պոտենցիալ ենթակա լինել կորոնավիրուսով վարակման եւ փոխանցվել այն մարդկանց: Բայց մինչ այժմ այդ հնարավորությունը ոչ ոք չի ուսումնասիրել։

Լաբորատոր փորձարկումները հաստատել են նապաստակների և կապիկների հակվածությունը հիվանդության նկատմամբ, մինչդեռ խոզերը, բադերը եւ հավերը չեն կարող վարակվել: Սակայն ոչ ոք նման ուսումնասիրություն չի անցկացրել կովերի, ոչխարների, ձիերի և այլ անասունների համար:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է