Առողջապահության համաշխարհային կազմակերպությունը դադարեցրել է կորոնավիրուսի բուժման համար լոպինավիրի եւ ռիտոնավիրի կլինիկական փորձարկումները: Ինչպես նաեւ «սեւ ցուցակում» է հիդրօքսիքլորոքինը, որը համարվում էր կորոնավիրուսի դեմ պայքարում արդյունավետ դեղամիջոց: Այս մասին ասվում է ԱՀԿ-ի կայքում:
Այդ դեղամիջոցների փորձարկումները դադարեցնելու որոշումն ընդունվել է «Սոլիդարության թեստեր» կոմիտեի խորհուրդներով:
Մասշտաբային հետազոտության շրջանակում մասնագետները կորոնավիրուսով վարակված եւ այդ դեղամիջոցները ստացած հազարավոր պացիենտների մահացության համեմատական անալիզ են անցկացրել:
Հետազոտությունների նախնական տվյալները ցույց են տվել, որ հիդրօքսիքլորոքինն ու լոպինավիր/ռիտոնավիրը արդյունավետ չեն, ինչպես համարվում էր:
Կազմակերպության հայտարարության մեջ ասվում է, որ փորձարկումները դադարեցնելու որոշումը վերաբերում է միայն հոսպիտալացված պացիենտներին եւ չի ազդում դրանց արդյունավետության մասին այլ հնարավոր հետազոտությունների վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր