• Latest news

COVID-19-ի դեմ նոր դեղամիջոց է փորձարկվում

7 հուլիսի, 2020  23:40

Մեծ Բրիտանիայի գիտնականները կորոնավիրուսի դեմ աղիքային մանրէներից պատրաստված նոր հավանական դեղամիջոց են փորձարկում։ The Daily Mail-ը հայտնում է, որ արդեն մեկնարկել են MRx-4DP0004 կոդային անվանումով դեղամիջոցի կլինիկական փորձարկումները:

Գաղափարն այն է, որ օգտակար մանրէները կօգնեն նվազեցնել բորբոքման հետեւանքով առաջացած թոքերի վնասվածքի աստիճանը:

Ինչպես հայտնի է, վարակը կարող է հանգեցնել բարդությունների, եթե մարդու իմունային համակարգը չափազանց սուր է արձագանքում կորոնավիրուսին եւ սկսում է վնասել տիրոջ օրգանիզմը: Գիտնականները հուսով են, որ պրոբիոտիկ միջոցը կկանգնեցնի այս պաթոլոգիական գործընթացը՝ առանց թուլացնելու իմունային արձագանքը, որն անհրաժեշտ է վիրուսային վարակը վերացնելու համար:

Եթե դեղամիջոցն արդյունավետ լինի, գիտնականները նախատեսում են այն տալ պացիենտներին՝ մինչ նրանց մոտ շնչառական խնդիրներ կառաջանան, ինչը թույլ կտա նվազեցնել հոսպիտալացումների թիվը: Նախնական ուսումնասիրությունները ցույց են տվել, որ դեղամիջոցը իջեցրել է իմունային բջիջների մակարդակը, որոնք, ինչպես համարվում է, COVID-19 կորոնավիրուսային վարակով պացիենտների մոտ թոքաբորբի եւ թոքերի վնասման հիմնական պատճառ են հանդիսանում:

Կլինիկական հետազոտությունների շրջանակներում 90 պացիենտների երկու երրորդը երկու շաբաթվա ընթացքում դեղամիջոցը կստանա երկու անգամ, իսկ մնացած մեկ երրորդը պլացեբո կստանա: Այնուհետեւ կկատարվեն ամենօրյա ստուգումներ՝ կամավորների ինքնազգացողության մոնիթորինգի համար:

Ասթմայով հիվանդների հետ նախկինում կատարված փորձերը ցույց են տվել, որ դեղամիջոցն անվնաս է, այդ պատճառով եթե դրա արդյունավետությունը ապացուցվի, այն կարող են բավական արագ հաստատել՝ COVID-19-ի բուժման մեջ կիրառելու համար։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է