Մերիլենդից իմունոլոգ-ասպիրանտ Դեւիդ Ռաչը կարող է լինել առաջին մարդը, ով հաջողությամբ պատվաստվել է կորոնավիրուսի դեմ: Fox News- ի փոխանցմամբ՝ Դեւիդն առաջինն է այս տարվա մայիսին ստացել Pfizer եւ BioNTech ընկերությունների փորձնական պատվաստանյութը՝ University of Maryland-ում հետազոտության ընթացքում:
Ըստ նախնական տվյալների՝ պատվաստանյութը իսկապես խթանում է հակամարմինների ստեղծումը` նույն քանակությամբ, կամ նույնիսկ ավելի, քան այն մարդկանց մոտ, ովքեր ունեցել են COVID-19:
Իրականում Դեւիդը չի կարող ստույգ իմանալ՝ ստացել է իրական պատվաստանյութ թե ֆիզլուծույթ (պլացեբո), բայց երկրորդ չափաբաժնի ներարկմանը օրգանիզմի ոչ մեծ արձագանքից հետո նա համոզված է, որ դարձել է աշխարհում այն փոքրաթիվ մարդկանցից մեկը, որը պատվաստվել է կորոնավիրուսի դեմ:
Հոկտեմբերին Դեւիդը թեսթ կանցնի, որը ցույց կտա, թե արդյոք նրա մոտ իմունիտետ է առաջացել կորոնավիրուսի դեմ:
Եթե փորձը հաջողվի, եւ պատվաստանյութի արդյունավետետությունն ապացուցվի, Pfizer-ը պատրաստ կլինի մինչեւ տարեվերջ արտադրել 100 միլիոն, իսկ հաջորդ տարի` ավելի քան մեկ միլիարդ չափաբաժին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր