• Latest news

Որ սննդամթերքներն են բարելավում տրամադրությունը

21 հուլիսի, 2020  23:12

Որոշ սննդամթերքներ կարող են բարելավել տրամադրությունը, ինչպես հաստատում է սննդաբան Տամիլա Արսենեւան (Ռուսաստան)։

Նրա խոսքերով՝ բրազիլական ընկույզը, ոստրեները, բանանը, ոսպը եւ սեւ շոկոլադը նպաստում են սերոտոնինի, դոպամինի եւ էնդորֆինների՝ այսպես կոչված, երջանկության հորմոնների արտադրմանը: Բացի այդ, այս մթերքներն այլ առավելություններ եւս ունեն, հայտնում է ՌԻԱ Նովոստին:

Արսենեւան խորհուրդ է տալիս օրական երեք բրազիլական ընկույզ ուտել՝ օրգանիզմը սելենի անհրաժեշտ քանակությամբ ապահովելու համար, սա միկրոտարր է, որի անբավարարությունը կարող է հանգեցնել դեպրեսիայի, ապատիայի եւ նյարդայնացման:

Ոստրեները պարունակում են ցինկ, որը դրական է ազդում նյութափոխանակության եւ ուղեղի աշխատանքի վրա: Դրանք նաեւ խթանում են տիրազին ամինաթթվի սինթեզը, ինչը թեթեւացնում է նյարդային լարվածությունը:

Իր հերթին, ոսպը նպաստում է արյան մեջ գլյուկոզայի մակարդակի նորմալացմանը:

«Եթե երկու շաբաթ օրական 40 գրամ սեւ շոկոլադ օգտագործեք, ձեր օրգանիզմում սթրեսի հորմոնի մակարդակը կնվազի: Բայց հիշեք՝ կարեւոր է պահպանել չափը, քանի որ այս քաղցրավենիքը կարող է վնասել ձեր կազմվածքին»,- ասել է Տամիլա Արսենեւան:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։