• Latest news

Լնդերի հիվանդություններով մարդկանց շրջանում քաղցկեղի զարգացման հավանականությունը մեծ է. հետազոտություն

22 հուլիսի, 2020  23:24

Լնդերի հիվանդություններով եւ պարոնդոնտով մարդկանց շրջանում մեծ է որոշ օնկոլոգիական հիվանդությունների զարգացման հավանականությունը: Այս մասին նշված է Gut ամսագրում հրապարակված նոր հետազոտության մեջ:

Harvard T.H. Chan School of Public Health-ից հետազոտողները պարզել են, որ լնդերի բորբոքումը կապված է կերակրափողի քաղցկեղի զարգացման հավանականության 42 տոկոսով եւ ստամոքսի քաղցկեղի 52 տոկոսով մեծացման հետ, նշում է Medportal-ը: Ավելին՝ պարզվել է, որ ոչ պակաս երկու ատամի կորուստը կապված էր ստամոքսի եւ կերակրափողի քաղցկեղի հավանականության 52 տոկոսով եւ 43 տոկոսով մեծացման հետ:

Հետազոտության հեղինակների կարծիքով՝ լնդերի հիվանդությունների եւ մարսողության օրգանների ուռուցքների միջեւ կապը կարող է պայմանավորված լինել բերանի խոռոչի միկրոբիոտայով: Նախորդ հետազոտությունները ցույց են տվել, որ լնդերի բորբոքումներ առաջացնող բակտերիաները հայտնաբերվում են կերակրափողի քաղցկեղի հյուսվածքներում: Դրանից բացի, բերանի խոռոչի վատ հիգիենան կարող է կապված լինել էնդոգեն նիտրոզամինների արտադրման հետ՝ քաղցկեղածիններ, որոնք կարող են առաջացնել ստամոքսի քաղցկեղ:

Գիտնականների խոսքով՝ այս տվյալները ապացույցներ չեն ներկայացնում, որ հենց լնդերի հիվանդություններն են բերում քաղցկեղի զարգացման: Խոսքը կապի մասին է. առայժմ կարելի է խոսել միայն այն մասին, որ լնդերի բորբոքման ժամանակ մարդու մոտ ավելի մեծ է այս օնկոլոգիական պաթոլոգիաների հայտնաբերման հավանականությունը, քան միջինում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է