Կենդանի ուղեղի հետազոտության ինչպիսի՞ մեթոդներ են այսօր օգտագործվում

Այսօր բժիշկներին հասանելի են ողջ մարդու ուղեղի հետազոտության բազմաթիվ մեթոդներ, եւ դրանցից որոշներն առանձնապես տեղեկատվական են եւ օգնում են ախտորոշել մի ամբողջ շարք հիվանդություններ: Այս մեթոդների մասին «Ինչպե՞ս տեսնել կենդանի ուղեղը» թեմայով առցանց քննարկման ժամանակ հայտնել է նեյրոկենսաբան, ճառագայթային ախտորոշման բժիշկ Աննա Խորուժայան:

Համակարգչային տոմոգրաֆիա (ՀՏ) – Այսօր ուղեղի վիզուալացման ամանահաճախ օգտագործվող մեթոներից մեկն է: Մասնագետը նշեց, որ ՀՏ-ն, ըստ էության,  բարելավված ռենտգենն է: Այս մեթոդի հիմքում նույնպես դրված է իոնացնող ճառագայթումը, եւ այն թույլ է տալիս տեսնել հորիզոնական հարթության մակարդակում գլխուղեղի կտրվածքները: ՀՏ պատկերներում կարելի է նաեւ տեսնել գանգի ոսկորները, քանի որ դրանք ակտիվորեն իրենց մեջ են վերցնում ռենտգենյան ճառագայթները, իսկ պատկերների վրա լուսարձակում են վառ սպիտակ լույսով:

Մագնիսառեզոնանսային տոմոգրաֆիա (ՄՌՏ) այս մեթոդն այսօր համարվում է գլխուղեղի վիզուալացման ոսկե ստանդարտը, մասնագետի խոսքով՝ ապահովում է ուղեղի կառուցվածքի լավ ըմբռնում, դրա միջոցով կարելի է դիտարկել կեղեւը, գորշ նյութն առանձնացնել սպիտակ նյութից:

«Այս մեթոդը առավել մեծ քանակությամբ տեղեկություններ է տալիս ճառագայթային ախտորոշման բժիշկներին, երբ խոսում ենք ուղեղի որեւիցե օրգանական հիվանդությունների մասին»,- ասաց մասնագետը:

Մագնիսառեզոնանսային անգիոգրաֆիան ապահովում է ուղեղի անոթների վիզուալացումը. այս մեթոդը հնարավորություն է տալիս ստեղծել ուղեղի հետազոտվող հատվածի անոթային ցանցի եռաչափ վերականգնում:

Ֆունցիոնալ ՄՌՏ – սա եւս հաճախ օգտագործվող հետազոտություններից մեկն է, որը թույլ է տալիս տեսնել ուղեղի ակտիվությունը:

ՊԵՏ ՀՏ – եւս մեկ կարեւոր հետազոտություն, որը, մասնագետի խոսքով, դասվում է ամենաիսկական հասկացությամբ միջուկային բժշկությանը: Այս մեթոդի միջոցով մենք կարող ենք տեսնել ուղեղի կեղեւի հատվածները, որոնք առավել ակտիվացված են կոնկրետ պահին:

Մասնագետի պարզաբանմամբ՝ այս մեթոդը նաեւ օգտակար է ուռուցքների, մետաստազների ախտորոշման համար, քանի որ ուռուցքն անչափ ակտիվ հյուսվածք է, որն արագ աճում է եւ շատ էներգիա ու գլյուկոզա պահանջում: Կան դեղամիջոցներ, որոնք կուտակվում են այն հյուսվածքներում, որոնք ակտիվորեն աճում են, եւ բժիշկները տեսնելով այդ կուտակումները, կարող են ենթադրել, որ հենց այնտեղ է գտնվում ակտիվ ուռուցքային պրոցեսը:

Նշենք, որ այսօր գլխուղեղի հետազոտության համար օգտագործվում են նաեւ որոշ այլ տեսակներ, այդ թվում՝ ուլտրաձայնային ախտորոշումը, էլեկտրաէնցեֆալոգրաֆիան, էլեկտրանեյրոմիոգրաֆիան եւ այլ մեթոդներ:

Հետևեք NEWS.am Medicine-ին Facebook-ում և Twitter-ում