• Latest news

Առողջ քունը եւ ուղեղը. Ի՞նչ պետք է իմանալ այս մասին

23 հուլիսի, 2020  16:21

Առողջ քունն անչափ կարեւոր է ուղեղի համար եւ անհրաժեշտ է թե՛ ֆիզիկական, թե՛ մտավոր առողջության պահպանման համար: Այսպիսի կարծիք է հայտնել նեյրոկենսաբան եւ ճառագայթային ախտորոշման բժիշկ Աննա Խորուժայան:

Նրա խոսքով՝ նորմալ քունը ուղեղին օգնում է ավելի լավ աշխատել բառի բոլոր իմաստներով: Սակայն մարդկանցից շատերն այսօր տառապում են քնի խանգարումներով, որոնք սովորաբար զարգանում են իրենց՝ մարդկանց գործողությունների հետեւանքով, որոնք նստում են մինչեւ ուշ ժամ՝ աշխատելով, ֆիլմ դիտելով կամ թերթելով համացանցի լրահոսի էջերը: Երբ մարդիկ քնում եւ արթնանում են տարբեր ժամերի, դա, մասնագետի խոսքով, բացասաբար է անդրադառնում քնի որակի վրա:

Բացասաբար կարող են անդրադառնալ նաեւ դրսից տարբեր գործոններ, ինչպես՝ վառ լույսը, աղմուկը կամ պատուհանից գիշերային լուսավորությունը:

Մասնագետի խոսքով՝ ուղեղի առողջության պահպանման համար անհրաժեշտ է ամեն օր քնել 7-9 ժամ: Վնասակար է թե՛ շատ, թե՛ քիչ քնելը, ընդգծել է նա:

«Կարեւոր է քնել, երբ քնելու առավելագույն ցանկություն ունեք, դուք առավելագույն չափով հոգնել եք, եւ օրգանիզմը հոգեբանորեն ու ֆիզիկապես պատրաստ է քնին: Այդ պահին օրգանիզմում մելատոնին հորմոնի առավելագույն քանակությունն է. այն անհրաժեշտ է, որ համաժամանակացնի օրգանիզմում բոլոր կենսաբանական ժամացույցները ուղեղի կենսաբանական ժամացույցների հետ»,- ասել է Խորուժայան:

Իսկ ի՞նչ պետք է անել քնի որակի բարելավման համար:

Մասնագետը հետեւյալ խորհուրդներն է տալիս.

  • աշխատել քնել եւ արթնանալ միեւնույն ժամին,
  • քնի համար հարմարավետ միջավայր ստեղծել. ոչ մի բան չպետք է խանգարի,
  • աշխատել քնելուց առաջ ոչ մի դժավարամարս բան չուտել. որոշ մարդիկ ամբողջ օրը ոչ մի բան չեն ուտում, փոխարենը կուշտ ընթրում են, եւ դա բացասաբար է ազդում քնի որակի վրա,
  • քնելուց առաջ խուսափել ակտիվ ֆիզիկական ծանրաբեռնվածությունից:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ