• Latest news

Սառը պլազման կարող է օգնել շաքարախտ ունեցողների մոտ վերքերի բուժմանը․ հետազոտություն

23 հուլիսի, 2020  23:29

Սառը մթնոլորտային պլազմայով բուժումը, ստանդարտ բուժման հետ մեկտեղ, կարող է արագացնել շաքարախտով մարդկանց մոտ վերքերի բուժումը: JAMA Network Open-ում հրապարակված ուսումնասիրությունը ցույց է տվել, որ այս մեթոդների համատեղումը շատ ավելի արդյունավետ է, քան միայն ստանդարտ բուժումը:

Ինչպես հայտնում է Medportal.ru-ն, գիտնականները նախկինում արդեն առաջարկել են սառը մթնոլորտային պլազման (ՍՄՊ)՝ վերքերի բուժումը բարելավելու համար: Համարվում է, որ այն իր բուժական ազդեցությամբ պարտական է գազի ռեակտիվ ձեւերին:

Ուսումնասիրությունը ցույց է տվել, որ մինչեւ իններորդ այցը բժշկի՝ ՍՄՊ թերապիա ընդունող պացիենտների մոտ, ոտքի խոցի մակերեսի մոտ 30,5%-ը չի բուժվել: Իսկ միայն ստանդարտ բուժում ստացած շաքարախտ ունեցող հիվանդների մոտ չլավացած է մնացել վերքի 55%-ը։

Ըստ գիտնականների, ՍՄՊ-ը չի նվազեցրել վերքի մակերեւույթին մանրէների քանակը եւ չի մեղմել վերքային վարակի ընթացքը: Այն այս փուլում նաեւ առանձնապես չի ազդել պացիենտների ընդհանուր ինքնազգացողության եւ ցավի վրա: ՍՄՊ-ով բուժման խմբում եւ պլացեբո խմբում կողմնակի ազդեցությունների քանակը (բուժումից հետո սպիերի առաջացում, մաշկի գրգռում, արյունահոսություն) գործնականում նույնն է եղել:

Ըստ գիտնականների՝ ՍՄՊ թերապիայի կիրառումը շատ հարմար է՝ դրա համար չի պահանջվում մասնագիտացված կենտրոններ, այն կարող է օգտագործվել տարբեր խորությամբ վերքերի, քրոնիկ խոցերի դեպքում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է