• Latest news

Գիտնականները հերպեսի բուժման նոր միջոց են առաջարկել

27 հուլիսի, 2020  23:23

Լունդի համալսարանի գիտնականներն հերպեսի վիրուսների բուժման նոր միջոց են առաջարկել. հարկավոր է գրոհել ոչ թե վիրուսային սպիտակուցները, ինչպես դա անում է ավանդական թերապիան, այլ գեներն ու նրանց ֆիզիկական հատկությունները: Դա համար հարկավոր է նոր մոլեկուլներ օգտագործել, որոնք ներթափանցում են վիրուսի սպիտակուցային թաղանթ եւ թույլ չի տալիս վիրուսային գեներին ներթափանցել տիրոձ բջջի մեջ վարակման շրջանակներում: Մեթոդը վիրուսի դիմադրողականության զարգացման չի հանգեցնում եւ աշխատում է անկախ վիրուսային գենոմում եղած մուտացիաներից:

Medical Express-ը հաղորդում է, հերպեսային վարակը, ինչպես հայտնի է, հավերժ մնում է մարդու հետ. այն սովորաբար գտնվում է լատենտ վիճակում՝ միայն ժամանակ առ ժամանակ սրվելով։ Վիրուսի ակտիվության այսպիսի սխեման դժվարացնում է դրա դեմ պայքարը: Ավելին, դժվարությունը դիմադրողականության արագ զարգացումն է խախտված իմունային պաշտպանություն ունեցող հիվանդների մոտ, օրինակ՝ նորածինների, ՄԻԱՎ-ով, քաղցկեղով հիվանդների, ինչպես նաեւ այն մարդկանց մոտ, ով օրգանների փոխպատվաստում է անցել:

Հերպեսի վիրուսը բաղկացած է բարակ սպիտակուցային թաղանթից, իսկ ներսում գեների համալիր է: Պարզվել է, որ վիրուսի ներսում մեծ ճնշումը պայմանավորված է նրանով, որ այն շատ գենետիկ նյութեր է պարունակում: Ճնշումը 20 մթնոլորտ է կազմում, ինչը 4 անգամ ավելի բարձր է, քան մի շիշ շամպայնի մեջ, եւ դա հնարավորություն է տալիս հերպեսի վիրուսներին վարակել բջիջը՝ իր գեները բարձր արագությամբ արտանետելով բջջային միջուկի մեջ այն բանից հետո, երբ վիրուսը ներթափանցել է այդ բջջի մեջ։

Դրանից հետո բջիջը նոր վիրուսներ արտադրող «ֆաբրիկա» է դառնում։ Այդպես տեղի է ունենում վիրուսի տարածումն ամբողջ մարմնով: Գիտնականները փոքր մոլեկուլներ են հայտնաբերել, որոնք նվազեցնում են ճնշումը վիրուսի գենետիկ «միջուկի» մեջ, ինչը լավ հակավիրուսային էֆեկտ է ապահովում: Մասնագետների կարծիքով՝ այս մոտեցումը կարող է հնարավորություն տալ հաղթահարել նույնիսկ բուժման նկատմամբ դիմացկուն շտամները:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է