• Latest news

Արդյո՞ք կապ կա 5G-ի եւ կորոնավիրուսի միջեւ

28 հուլիսի, 2020  18:20

Կորոնավիրուսի եւ 5G ցանցի միջեւ ոչ մի կապ չկա. վերջինս չի կարող որեւէ կերպ նպաստել կորոնավիրուսի տարածմանը, ասում են գիտնականները:

Այս ամսվա սկզբին pubmed գիտական ​​պորտալում հրապարակվել էին Guglielmo Marconi University-ից (Իտալիա),Central Michigan University-ից (ԱՄՆ) եւ First Moscow State Medical University-ից (Ռուսաստան) հետազոտողների թիմի աշխատանքի արդյունքները, ովքեր պնդում էին, որ հինգերորդ սերնդի 5G շարժական ցանցը մարդու բջիջներին ստիպում է կորոնավիրուս «ստեղծել»: Նրանք գրում էին, որ մեր մաշկի բջիջները որպես յուրատեսակ ալեհավաք են ծառայում, որը կլանում է այլ բջիջներին փոխանցվող ազդանշանը: Դրանից հետո վիրուսը սկսում է արագորեն բազմանալ մարդու օրգանիզմում։

Գիտական ​​համայնքի անդամները բավականին կասկածամտորեն էին մոտեցել այդ հայտարարություններին: Հատկապես, որ ուսումնասիրության հեղինակները ոչ մի փորձարկում չէին անցկացրել, որը կապացուցեր իրենց եզրակացությունները: Նրանք իրենց բոլոր հայտարարությունները արել էին միայն երկար, խառնաշփոթ բանաձեւերի եւ հաշվարկների հիման վրա, որոնք իրականում հակասում էին միմյանց։

Հետաքրքիր է, որ Միացյալ Նահանգներում, որտեղ գրանցվել է կորոնավիրուսով վարակման դեպքերի ամենամեծ թիվը, 5G ծածկույթը թույլ է տարածված: Պետք է նաեւ նշել, որ որոշ երկրներում, որտեղ նույնպես լուրջ բռնկումներ են գրանցվել, ընդհանրապես 5G ցանցեր չկան, եւ Հայաստանը դրանց թվում է:

Հինգերորդ սերնդի ցանցերի արագությունը գերազանցում են միջին Wi-Fi ցանցերի արագությունները Սաուդյան Արաբիայում, Հարավային Կորեայում, Շվեյցարիայում, Քուվեյթում, Ավստրալիայում, Իսպանիայում եւ Միացյալ Թագավորություններում: Վիրուսի ամենածանր բռնկումները գրանցվում են քաղաքներում, սակայն դա ամբողջովին կապված է բնակչության բարձր խտության հետ, եւ ոչ թե՝ 5G ենթակառուցվածքի առկայության:

Բացի այդ, ուսումնասիրության հեղինակները պնդում են, որ 5G աշտարակների հաճախականությունն ավելի բարձր է, քան 24 ԳՀց-ը եւ հասնում է 72 ԳՀց-ի, ինչը մի քանի անգամ գերազանցում է տեխնիկայի հնարավորությունները: Օրինակ, Միացյալ Նահանգներում 5G աշտարակների հաճախականությունը 27․5-ից 28․35 ԳՀց-ի միջեւ է, մինչդեռ Հարավային Կորեայում եւ Ճապոնիայում գրանցված ամենաբարձր հաճախությունները 29․5 ԳՀց են:

Ըստ The Daily Mail- ի՝ առաջին գիտնականներից մեկը, ով ուշադրություն հրավիրեց 5G-ի մասին հոդվածի աբսուրդության վրա, Stanford University-ի դոկտոր Էլիզաբեթ Բեքն էր, ով նախկինում զբաղվում էր հետազոտական ​​արժեքով, իսկ այժմ սխալներ եւ մանիպուլյատիվ հայտարարություններ է որոնում գիտական ​​հրապարակումներում։

«Բերանս ուղղակի բաց մնաց, երբ ես տեսա այդ հոդվածը, -խոստովանել է նա,- Ուշադրություն դարձրեք, թե ինչ են նրանք գրում, որ ալիքները կարող են COVID-19-ի զարգացման հանգեցնել: Նրանք հիվանդությունը շփոթում են վիրուսի հետ»։

Աշխատանքի հեղինակներն իսկապես իրենց տեքստերում SARS-COV-2-ը շփոթում էին COVID-19 հիվանդության հետ, որն առաջացնում է այդ վիրուսը:

Հուլիսի 24-ին այդ կասկածելի ուսումնասիրությունն արդեն հեռացվել էր pubmed պորտալից:
Հետաքրքիր է, որ այս ուսումնասիրության հեղինակները նախկինում խիստ կասկածելի նյութեր են հրապարակել: Հեղինակներից մեկը՝ Ալիրեզա Սեպեհրին, 400 թռչուն է գլխատել, որպեսզի ապացուցի, որ դրանք կարող են ապրել առանց գլուխների: Մեկ այլ աշխատանքում նույն անձը՝ Մասիմո Ֆիորանելիի հետ միասին, պնդում էր, որ մարդկանց մոտ քաղցկեղը կարելի է բուժել հակառակ սեռի մեկ այլ մարդու բջիջներով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է