• Latest news

Թոքաբորբի դեմ պատվաստանյութը 40 տոկոսով նվազեցնում է Ալցհեյմերի հիվանդության զարգացումը. հետազոտություն

29 հուլիսի, 2020  09:45

Թոքաբորբի դեմ պատվաստանյութը 40 տոկոսով նվազեցնում է Ալցհեյմերի հիվանդության զարգացումը: Այս պատվաստանյութը  նպաստում է ուղեղը պաշտպանող իմունային համակարգի աշխատանքի ուժեղացմանը, հայտնում է The Daily Mail-ը:

Նոր հետազոտության արդյունքները ներկայացվել են Ալցհեյմերի հիվանդության դեմ պայքարի ասոցիացիայի ամենամյա միջազգային համաժողովում: Հետազոտությունն անցկացրել են Դյուկի համալսարանի գիտնականները, որոնք ուսումնասիրել են 65-ն անց մարդկանց բժշկական գրառումները եւ պարզել, որ թոքաբորբի դեմ իմունացումը մինչեւ 75 տարեկանը ուղեղի տարիքային հիվանդության հավանականությունը մեկ երրորդով նվազեցրել է:

Ավելին՝ ծերունական տկարամտության ժառանգական գործոններ չունեցող մարդկանց շրջանում Ալցհեյմերի հիվանդության զարգացման հավանականությունը նվազել է40 տոկոսով:

«COVID-19 համավարակի ալիքի վրա պատվաստումը դուրս է գալիս հանրային առողջապահության առաջին պլան ,- ասում են հետազոտության հեղինակները: - Հենց այս պատճառով անչափ կարեւոր է հետազոտել ոչ միայն վիրուսների կամ բակտերիային ինֆեկցիաների դեմ հիմնական պաշտպանության անմիջական առավելությունները, այլեւ առողջության համար այս կամ այն պատվաստանյութի երկարաժամկետ հետեւանքները»:

Միայն ԱՄՆ-ում Ալցհեյմերի հիվանդությամբ է հիվանդ 65-ն անց մոտ 6 մլն մարդ, իսկ 2050 թվականին նրանց թիվը կհասնի 13,8 մլն-ի: Պացիենտների մոտ նկատվում է մտավոր գործունեության նվազում, վարքագծային եւ ֆիզիոլոգիական խանգարումներ, ավելին՝ այս հիվանդությունն անբուժելի է: Այն բնորոշվում է ուղեղում բետա ամիլոիդների եւ տաու սպիտակուցների կուտակումներով, որոնք աստիճանաբար ոչնչացնում են նեյրոնները, ինչն առաջացնում է հիշողության հատկանշական կորուստ եւ գիտակցության խառնաշփոթ, որը բացասաբար է ազդում մարդկանց կյանքի որակի վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել