• Latest news

Ծխողների մոտ առաջանում են ճարպային վտանգավոր կուտակումներ, չնայած մարմնի զանգվածի ցածր ինդեքսին. հետազոտություն

30 հուլիսի, 2020  09:42

Նույնիսկ մարմնի զանգվածի ցածր ինդեքսի դեպքում ծխողների մոտ ավելի մեծ է կենսականորեն կարեւոր օրգանների շուրջը ճարպաշերտերի առաջացման հավանականությունը՝ նրանց համեմատությամբ, ովքեր երբեք չեն ծխել, նախազգուշացնում են Վանդերբիլտի համալսարանի բժշկական կենտրոնից հետազոտողները:

Երբ ավելցուկային ճարպը կուտակվում է որովայնի խոռոչում եւ օրգանների շուրջը, դա կարող է խախտել դրանց նորմալ գործելը եւ առողջական խնդիրներ առաջացնել: Այս խանգարումը կապված է այնպիսի խնդիրների զարգացման ավելի մեծ հավանականության հետ, ինչպես սիրտ-անոթային հիվանդությունները եւ 2-րդ տիպի դիաբետը:

Հետազոտողներն օգտագործել են համակարգչային տոմոգրաֆիան միջին տարիքի ավելի քան 3 հազար մարդու մոտ չափելու համար որովայնի, վիցերալ, միջմկանային եւ ներմկանային ճարպը:

«Մենք հայտնաբերել ենք, որ ծխողների մոտ փորի մկաններն ավելի շատ ճարպ են ունեցել,- ասել է հետազոտության առաջատար հեղինակ, ռադիոլոգիայի ոլորտում հետազոտական ծրագրերի ղեկավար Ջեյմս «Գրեգ» Թերին: - Ծխողների մոտ ավելի շատ է եղել նաեւ վիցերալ ճարպը՝ նրանց համեմատությամբ, ովքեր երբեք չեն ծխել: Նրանց մոտ, որոնք հրաժարվել են այս կործանարար սովորությունից, եղել են վիցերալ եւ միջմկանային ճարպի միջանկյալ մակարդակներ: Սա կարող է նպաստել սիրտ-անոթային հիվանդությունների ավելի մեծ տարածվածությանը»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է