• Latest news

5 ուշագրավ փաստ մաշկի համար հապալասի օգտակարության մասին

2 օգոստոսի, 2020  16:21

Հապալասը շատ օգտակար է առողջության եւ արտաքինի համար։ Դրանում պարունակում են շատ վիտամիններ եւ միներալներ, իսկ կալորիաները քիչ են։ Համարվում է, որ հապալասն օգտակար է սրտանոթային եւ միզասեռական համակարգերի, ինչպես նաեւ տեսողության համար։

Medportal.ru-ն հաղորդում է, որ այդ մթերքը շատ օգտակար է նաեւ մաշկի համար։ Ձեր ուշադրությանն ենք ներկայացնում մի քանի ուշագրավ փաստ այն մասին, թե ինչ ազդեցություն ունի այդ հատապտուղը մաշկի վրա։

1. Հապալասն օգնում է պայքարել վաղաժամ ծերացման դեմ

Հապալասը պարունակում է շատ հակաօքսիդանտային միացություններ, որոնք չեզոքացնում են ազատ ռադիկալների օքսիդացումային ազդեցությունը։ Որքան մեծանում ենք մենք, այնքան թուլանում է օրգանիզմի ունակությունն ազատ ռադիկալների դեմ պայքարում, ինչը բացասաբար է ազդում մաշկի վիճակի վրա։ Հապալասի ամենօրյա օգտագործումը հակաօքսիդանտների բարձր պարունակությամբ բանջարեղենի եւ մրգերի հետ մեկտեղ օգնում է կրճատել ծերացման նախանշաններն ու բարելավում մաշկի վիճակը։

2. Հապալասը լավացնում է արյան շրջանառությունը

Գիտնականները համարում են, որ օրական 150 գրամ հապալասի օգտագործումը լավացնում է սրտի առողջությունն ու արյան շրջանառությունը, բարելավում է օրգանիզմի ունակությունը մաշկն օգտակար նյութերով եւ թթվածնով սնուցելու հարցում՝ արագացնելով բջջային փոխանակությունը։

3. Հապալասը բարձրացնում է կոլագենի մակարդակը

Հապալասի մեջ պարունակվող անտոցիաններն ապահովում են կոլագենի սինթեզը, որը մասնակցում է անոթների, ոսկորի, ջիլերի, մազերի, եղունքների եւ մաշկի «ճարտարապետության» մեջ։ Հետազոտությունները ցույց են տվել, որ այդ նյութը մաշկին օգտագործելը նպաստել է կոլագենի ավելացմանը։ Բացի այդ, հատապտուղը շատ հարուստ է վիտամին C-ով, որը նույնպես կարեւոր դեր է խաղում կոլագենի արտադրման հարցում։

4. Հապալասը նպաստում է վերքերի լավացմանը

Հապալասը պարունակում է վիտամին C եւ K, որոնք կարեւոր դեր ունեն վերքերի լավացման գործում։ Սակայն պետք է հիշել, որ հապալասը պետք է ուտել․ այն ոչ մի դեպքում չի կարելի քսել բաց վերքերի վրա։

5. Հապալասն օգտակար է պզուկների դեպքում

Դեռեւս չեն անցկացվել հետազոտություններ այն մասին, թե ինչպես է հապալասը նպաստում պզուկների եւ ակնեի դեմ պայքարում, սակայն հայտնի է, որ բջջանյութի եւ հակաօքսիդանտների բարձր պարունակությամբ սննդակարգը, որը պարունակվում է հապալասում, նպաստում է մաշկի մաքրմանը։ Դեռ ավելին, բջջանյութը նպաստում է պահպանել աղիների առողջ միկրոբիոմը, որի վիճակը նույնպես ազդում է մաշկի վրա։

Սակայն հիշեք, որ պզուկները բուժելու համար չի թույլատրվում պատրաստել հապալասից դիմակներ․ դա կարող է վատթարացնել մաշկի վիճակը։

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ի՞նչ նախաճաշ է խորհուրդ տրվում հիպերտոնիայով մարդկանց Համարվում է, որ բարձր ճնշմամբ մարդկանց առավոտյան սննդակարգում պետք է ներառվի վարսակը, յոգուրտը (բնական հունական, առանց շաքար), հատապտուղները ու մուգ շոկոլադը․․․
  • Ո՞ւմ խորհուրդ չի տրվում սեխ ուտել Դրանից բացի, խորհուրդ չի տրվում սեխ ուտել աղեստամոքսային տրակտի եւ շաքարային դիաբետի հիվանդությունների դեպքում...
  • Որքա՞ն ձմերուկ է կարելի օրական ուտել Ձմերուկի չափավոր գործածումը օգնում է բթացնել քաղցի զգացումը, եւ սա կարող է օգտակար լինել նիհարելիս: Բանն այն է, որ ձմերուկի մեջ հեղուկ շատ է պարունակվում, որը լցնում է ստամոքսը եւ նվազեցնում...
  • Ո՞ր մթերքներն են օգնում պահպանել մաշկի երիտասարդությունը Մասնագետի խոսքով՝ մաշկի երիտասարդության եւ առողջության պահպանման համար խորհուրդ է տրվում ավելի շատ ուտել հակաօքսիդանտներ, կոլագեն եւ հանքանյութեր պարունակող մթերքներ...
  • Շոկոլադ․ օգտակա՞ր է, թե՞ ոչ Այսպես, թե այնպես, փորձելով հասկանալ, թե ինչ օգուտ է տալիս շոկոլադը, պետք է հիշել, որ բազմաթիվ հետազոտություններ ֆինանսավորվում են շոկոլադի ինդուստրիայից, այդ պատճառով դրանց արդյունքները ոչ միշտ են վստահելի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ