• Latest news

Ինչպե՞ս հետաձգել Ալցհայմերի հիվանդությունը. ռուսաստանցի նյարդաբան Հելեն Մխիթարյանի խորհուրդները

7 օգոստոսի, 2020  15:56

Հարվարդի համալսարանի գիտնականները հրապարակել են Ալցհայմերի հիվանդության դեպքերի նվազման վերաբերյալ ուսումնասիրության արդյունքները: Խոսքը միայն Միացյալ Նահանգների եւ եվրոպական երկրների բնակիչների մասին է: Այսօր ամերիկացիների եւ եվրոպացիների հիվանդանալու ռիսկը 13 տոկոսով ցածր է, քան 2010-ին: Սակայն ոչ ոք ապահովագրված չէ այս պաթոլոգիայի զարգացումից: Նորությունների դաշնային գործակալության թղթակցի հետ զրույցում նյարդաբան Էլեն Մխիթարյանը պատմել է հիվանդության սկիզբը հետաձգելու պարզ եղանակների մասին:

Ալցհայմերի հիվանդությունը գլխուղեղի հիվանդություն է: Այն սովորաբար դրսեւորվում է 50-ից բարձր տարիքի մարդկանց մոտ, բնութագրվում է ինտելեկտի աճող անկմամբ, հիշողության խաթարմամբ եւ անհատականության փոփոխություններով:

Ռուսաստանի առողջապահության նախարարության «Գերոնտոլոգիական կլինիկական հետազոտությունների կենտրոն»-ի ընդհանուր գերիատիկայի և նյարդագերիատիկայի լաբորատորիայի ավագ գիտաշխատող Հելեն Մխիթարյանը բացատրել է, որ այս հիվանդության ժամանակ փոփոխությունները տեղի են ունենում ակնհայտ ախտանիշների դրսեւորումից դեռ 15-20 տարի առաջ:

«Կարելի է միայն հետաձգել մարդու մոտ այս հիվանդության առաջացումը: Եթե ​​հետեւել որոշակի խորհուրդներին, ապա փոփոխություններն օրգանիզմում պարզապես ավելի ուշ կհայտնվեն: Ընդ որում, հիվանդությունը կարող է առաջանալ ցանկացած մարդու մոտ, բայց այժմ նման դեպքերն արդեն 10 տոկոսից էլ քիչ են: Բացի այդ, հիվանդության ժառանգական ձեւեր կան, երբ այն առաջանում է մինչեւ 65 տարեկանը»,- պարզաբանել է Մխիթարյանը:

Ինչպե՞ս կանխել հիվանդության զարգացումը: Առաջին հերթին, մարդը պետք է մշտական ​​ֆիզիկական ակտիվության մեջ լինի:

«Ֆիզիկական անգործությունը ռիսկի ամենամեծ գործոնն է: Ընդ որում, կան ԱՀԿ-ից 2019-ի մայիսին հրապարակված առաջարկությունները` դեմենցիայի եւ Ալցհայմերի հիվանդության զարգացման կանխարգելման վերաբերյալ, որոնցում խոսվում է հենց ֆիզիկապես ակտիվության անհրաժեշտության մասին: Այն պետք է իրականացվի օրական առնվազն կես ժամ: Խոսքը մեծ ծանրաբեռնվածության մասին չէ, այլ` մարմնամարզության եւ մաքուր օդին քայլելու: Վարժությունների դեպքում յուրաքանչյուր մոտեցում պետք է տեւի առնվազն 10 րոպե»,- ասել է մասնագետը:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել