• Latest news

Հայտնաբերվել են մարդիկ, ովքեր կորոնավիրուսի հանդեպ անընկալունակ են. ակադեմիկոս Արեգ Թոթոլյանի հարցազրույցը

10 օգոստոսի, 2020  11:37

Արդեն ավելի քան կես տարի է՝ կորոնավիրուսը լարված է պահում ամբողջ աշխարհին, սակայն դեռ չի հաջողվում գտնել շատ հարցերի պատասխանները: Ինչո՞ւ են մարդիկ հիվանդանում կորոնավիրուսով երկու եւ երեք անգամ, իսկ մյուսները չեն վարակվում՝ նույնիսկ շփվելով ծանր հիվանդների հետ, քանի՞ տոկոսը պետք է վարակվի՝ կոլեկտիվ իմունիտետ ձեռք բերելու համար: Այս մասին «Իզվեստիա»-ին ասել է Սանկտ Պետերբուրգի Պաստերի անվան միկրոկենսաբանության եւ համաճարակաբանության ինստիտուտի տնօրեն, Ռուսաստանի ԳԱԱ ակադեմիկոս Արեգ Թոթոլյանը:

Ակադեմիկոսը պատասխանել է այն հարցին, թե արդյոք կորոնավիրուսն ունի գաղտնիք, որն իր համար՝ որպես իմունաբանի, անհասկանալի է:

«Այո: Մենք հետեւում ենք ավելի քան 200 վարակվածների, հատկապես ուշադրություն ենք դարձնում նրանց, ում մոտ անկասկած է ախտորոշումը, սակայն հակամարմիններ չեն արտադրվում: Նման պացիենտները շատ են: Սովորաբար հակամարմիններ չեն արտադրվում իմունադեֆիցիտային վիճակներում, սակայն նման մարդիկ շատ չեն: Իսկ ահա ապաքինվածների շրջանում դրանք ավելի շատ են: Դա պետք է մանրամասն ուսումնասիրվի, եւ մենք նման հետազոտություններ ենք անցկացնում»,-նշել է գիտնականը:

Նա հայտարարել է, որ կա մարդկանց խումբ, որն անընկալունակ է կորոնավիրուսի հանդեպ:

«Մենք մանրամասն ուսումնասիրել ենք որոշ բժիշկների, որոնք 3-4 ամիս աշխատել են «կարմիր գոտում», շփվել հարյուրավոր պացիենտների հետ, եւ նրանց մոտ հակամարմիններ չեն հայտնաբերվել: Ռեզիստենտության մարկերներն ուշադիր ուսումնասիրման կարիք ունեն»,-պատմել է գիտնականը:

Թոթոլյանը հավելել է, որ իրենք դեռ պատրաստ չեն գիտականորեն հիմնավորված պատասխան տալ, թե ինչպես են սեզոնային վարակները համադրվում կորոնավիրուսի հետ, թե արդյոք դա ծանրացնում է վարակի ընթացքը, կամ, հակառակը, պաշտպանում:

«Կարծում եմ՝ աշնանը մենք կբախվենք կորոնավիրուսի ավելի ծանր ընթացքի հետ, քան գարնանը, եւ մենք պետք է հոգեբանորեն պատրաստվենք»,-հավելել է նա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։