• Latest news

Ո՞վ է ավելի երկար ապրում` մսակերները, թե՞ բուսակերները. բժշկի եզրակացությունը

11 օգոստոսի, 2020  17:35

Արդեն մի քանի տարի է, ինչ ակտիվ դիմակայություն է տեղի ունենում բուսակերների եւ մսակերների միջեւ: Մի մասը պնդում են, որ թեթեւ եւ առողջ սնունդն օգնում է ավելի աշխուժ զգալ, իսկ մյուսները պնդում են, որ առանց մսի ապրել պարզապես անհնար է:

Բժշկական գիտությունների թեկնածու, սննդաբան եւ նուտրիցիոլոգ Իննա Կոնոնենկոն որոշել է մեկընդմիշտ լուծել այս վեճը: 5-tv.ru-ին տված հարցազրույցում փորձագետը գիտական ​​տեսանկյունից բացատրել է, թե ինչպես է կյանքի տեւողությունը կախված ընդունվող սննդից եւ ով է ավելի արագ ծերանում:

Նախ Կոնոնենկոն նշել է, որ այսօր մարմնի մաշվածության ընդամենը երկու ցուցանիշ կա: Առաջինը` անօթային պատի հաստությունն է ընդհանուր քներակում. րքան այն ավելի հաստ է, այնքան ծերացումն ավելի արագ է ընթանում:

«Բուսակերների եւ վեգանների մոտ այդ պատի հաստությունն ավելի ցածր է, քան մսակերների մոտ: Ինչի հաշվին նրանք մեծ քանակությամբ խոլեստերին չեն սպառում: Բայց եթե մսակերը բավարար քանակությամբ B12, D3, K2 վիտամիններ է սպառում, ապա այդ համալիրի հաստությունը չի ավելանա»,- նշել է բժիշկը:

Ծերացման երկրորդ հիմնական ցուցիչը միտոխոնդրիայի աշխատանքն է` բջիջների «էներգետիկ կայանների»: Ինչպես բացատրել է Իննա Կոնոնենկոն, որքան դրանք ավելի շատ են, այնքան ավելի լավ են աշխատում, այնքան մենք ավելի լավ ենք ապրում:

«Դրանք բուսակերների մոտ ավելի վատ են աշխատում, քան` մսակերների: Դա պայմանավորված է նրանով, որ միսը լ-կարնիտանի աղբյուր է` միիտոկոնդրիայի աշխատանքի համար անհրաժեշտ նյութի: Կա նաեւ ցուցանիշ, որը բնութագրում է մեր սպիտակուցի սինթեզը: Դժբախտաբար, բուսական կամ վեգետանական սննդակարգով մարդը կարող է ստանալ ոչ բոլոր ամինաթթուները»,- նշել է փորձագետը: Պարզվել է, որ նույնիսկ մեկ ամինաթթվի բացակայությունը մարդու առողջությանն անուղղելի վնաս կհասցնի: Այսպիսով, յուրաքանչյուր հատուկ սպիտակուց քայքայվում եւ ներծծվում է միայն հատուկ օրգանական միացության առկայության դեպքում: Եթե ​​դա բացակայում է, ապա սկսվում են մազերի, եղունգների, մաշկի, տեսողության հետ կապված խնդիրներ եւ, իհարկե` արյանունատար անոթների:

«Մեր օրգանիզմում ամեն ինչ գործնականում կազմված է սպիտակուցներից: Բուսակերների մոտ միշտ չէ, որ տեսանելի են սպիտակուցի պակասի հետեւանքները: Տարիքի հետ, իհարկե, դա ավելի շատ է դրսեւորվում: Ուստի մսակերներն ավելի երկար են ապրում, քան բուսակերները: Բայց պայմանով, որ ճիշտ սննդակարգ են պահում»,- արձանագրել է Իննա Կոնոնենկոն:

Եվ վերջում նա հավելել է. ուրախ եւ երջանիկ զգալու համար «պատերազմող» կողմերից յուրաքանչյուրը, անկախ որոշակի սննդակարգին հավատարիմ մնալուց, պետք է խուսափի վիտամինների եւ հանքանյութերի դեֆիցիտից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է