Հայտնաբերվել է կապ ճարպակալման եւ քաղցկեղի զարգացման ռիսկի միջեւ:
Այդ թեմայով ԱՄՆ-ից եւ Ֆրանսիայից գիտնականների հետազոտությունը հրապարակվել է bioRxiv-ում:
Հետազոտության հեղինակները վստահ են, որ ճարպակալման ժամանակ քաղցկեղի զարգացման բարձր ռիսկը բացատրվում է օրգաններում մեծ քանակությամբ բջիջների հետ: Որքան շատ են բջիջները, այնքան մեծ է մուտացիաների զարգացման հավանականությունը, գրում է Planet Today-ը:
«Ճարպակալումը քաղցկեղի զարգացման առանցքային գործոններից է: Ճարպակալմամբ տառապող մարդկանց ներքին օրգանների ծավալը մեծ է, եւ դա նշանակում է, որ բարձր է չարորակ բջիջների առաջացման ռիսկը»,-ասում է Ջոն Հոփքինսի անվան համալսարանից հետազոտության առաջատար հեղինակ Քրիստիան Թոմասետին:
Հիպոթեզը ստուգելու համար գիտնականները 750 մարդու ներքին օրգանների ԿՏ են անցկացրել: Ստացված տվյալներից երեւում է, որ 50-ից բարձր մարմնի զանգվածի ինդեքսի դեպքում օրգանների ծավալը կարող է 2 անգամ մեծ լինել, քան նորմալ մարմնի զանգվածի ինդեքսի դեպքում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր