• Latest news

Ի՞նչ է ուղեղի մահը․ նոր հետազոտություն

11 օգոստոսի, 2020  23:27

Ուղեղի մահվան համաշխարհային ծրագրի շրջանակներում տարբեր երկրներից բժիշկների խումբը գրել է խորհրդատվություններ, որոնք կօգնեն որոշել, թե արդյո՞ք մարդու ուղեղը ամբողջովին եւ անշրջելիորեն դադարել է գործել: Դա անհրաժեշտ է, որպեսզի որոշվի, թե երբ է կարելի հիվանդին անջատել կենսապահովման համակարգից, գրում է «Հանրամատչելի մեխանիկա»-ն։

Մենք մեռնում ենք ուղեղի հետ միասին: Բայց միշտ չէ, որ հեշտ է գծել կյանքի եւ մահվան սահմանը: Նոր աշխատանքում բժիշկները փորձել են պարզաբանել այս հարցը:

Ուղեղի մահը տասնամյակներ բժշկության մեջ կայուն գաղափար է եղել: Բայց մարդիկ դա այլ կերպ են բնորոշում, ասում է Լոս Անջելեսում Հարավային Կալիֆոռնիայի համալսարանի նյարդաբան-թերապեւտ Ջին Սունգը. «Հուսով ենք, որ համաշխարհային որոշակի կոնսենսուսը եւ համաձայնությունը նվազագույնի կհասցնեն ուղեղի մահվան մասին թյուրըմբռնումը»:

Բժիշկների խմբում ընդգրկվել են ինտենսիվ թերապիայի, նյարդաբանության եւ նյարդավիրաբուժության ոլորտի մասնագետներ: Աշխատանքի ընթացքում, ի լրումն հիմնական առաջարկությունների, հայտնվել են 17 կետեր, որոնք վերաբերում են իրավական եւ կրոնական գործոններին: «Ըստ էության մենք գիրք ենք գրել»,- ասում է Սունգը:

Ուղեղի մահվան որոշման նվազագույն պահանջը «մանրակրկիտ կլինիկական հետազոտությունն է»,- ընդգծում է Սունգը: Հետազոտությունից առաջ բժիշկները պետք է համոզվեն, որ մարդը ունի նյարդաբանական վնասվածք կամ այնպիսի վիճակ, որը կարող է հանգեցնել ուղեղի մահվան: Այնուհետեւ կլինիկաները պետք է գտնեն այլ բացատրություններ եւ վիճակներ, որոնք կարող են ուղեղի մահվան իմիտացիա ստեղծել, սակայն շրջելի են: Մարմինը սառեցնելը եւ սրտի կաթվածները բուժելը կարող են ժամանակավորապես խաթարել ուղեղի աշխատանքը, նշվում է զեկույցում: Նույնը կարելի է ասել որոշակի դեղերի, ալկոհոլի եւ այլ տոքսինների մասին:

Ուղեղի մահվան գնահատումը պետք է ներառի ֆիզիկական արձագանքների մի շարք թեսթեր` աչքերի շարժում, ցավի եւ փսխման ռեակցիաներ: Բժիշկները պետք է նշեն նաեւ, թե փորձում է արդյոք մարդը ինքնուրույն շնչել: Կենսական գործունեության այս նշանների բացակայության դեպքում մարդը կարող է մահացած համարվել: Լրացուցիչ թեսթերը, ինչպիսիք են ուղեղի արյան հոսքը կամ էլեկտրական ակտիվությունը ստուգելը, օգտակար են, բայց դրանց մեկնաբանությունը միշտ չէ, որ հեշտ է, նախազգուշացնում են խորհրդատվությունները:

Մեծահասակների մոտ ուղեղի մահվան սահմանումը պետք է ներառի մեկ նյարդաբանական հետազոտություն, իսկ երեխաների մոտ՝ երկու Ըստ Ստենֆորդի համալսարանի մանկական նյարդաբան Փոլ Գրեհեմ Ֆիշերի, վաղուց ժամանակն է, որ բժիշկները կարողանան հստակեցնել ուղեղի մահվան հարցը: Բայց սա միայն առաջին քայլն է, ասում է նա՝ «ոչ բժիշկները նույնպես պետք է մասնակցեն դրան»:

Ֆիշերի խոսքերով՝ բարդ մշակութային, կրոնական եւ նույնիսկ իրավական նրբությունները ու առանձնահատկությունները խոչընդոտում են ուղեղի մահվան ընդունելի սահմանման առաջացմանը` տարբեր երկրներում եւ նույնիսկ տարբեր հիվանդանոցներում այսօր կան ուղեղի մահվան որոշման տարբեր կանոններ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է