• Latest news

Գիտնականները նշել են այն հազվագյուտ տարրը, որը քաղցկեղ է բուժում

13 օգոստոսի, 2020  15:27

Զինվելով պրոտոնային ճառագայթներով եւ լազերներով` ֆիզիկոսներն առաջին անգամ բացահայտել են Երկրի վրա ամենահազվադեպ բնական տարրի` աստատի կարեւոր գաղտնիքներից մեկը:

Աստատը ձեւավորվում է քայքայվող ուրանից եւ թորիումից, իսկ դրա ամենակայուն տարբերակը կամ աստատ-210 կոչվող իզոտոպն ընդամենը 8.1 ժամ կիսափլուզման ժամանակ ունի:

Մինչեւ վերջերս հետազոտողներին չէր հաջողվել բավարար քանակությամբ աստատ հավաքել` փորձարկելու համար, թե ինչպես է այն փոխազդում էլեկտրոնների հետ: Ընդ որում, դրա ռադիոակտիվ իզոտոպներից մեկը` աստատ-211-ը, կարող է օգտակար լինել քաղցկեղի բուժման գործում: Սակայն մինչեւ վերջերս գիտնականները դրանում վստահ չէին, գրում է Popular Mechanics-ը:

Աստատի ուսումնասիրման նախագիծն իրականացվել է CERN Էլեմենտար մասնիկների ֆիզիկայի հետազոտման առաջատար եվրոպական կենտրոնի ISOLDE լաբորատորիայում: Փորձարկումների ընթացքում հետազոտողները պրոտոններն արձակել են թորիումի ատոմներից կազմված թիրախի` 90 պրոտոն ունեցող անկայուն տարրի վրա: Արդյունքում նոր ատոմների փոքր թիվ է հայտնվել, այդ թվում` աստատ-211-ի ատոմները:

Աստատ 211-ն առանձնացնելով մնացած ատոմներից` գիտնականները անընդհատ քայքայվող ռադիոակտիվ նյութի բավականին մեծ պաշար են ստացել, այն լազերների կիրառմամվ հետագա փորձարկումներ մեջ օգտագործելու համար, որոնց լույսը կարող է խոցել ատոմի էլեկտրոնները:

Աստատ-211-ը քայքայվելիս ալֆա մասնիկներ է բաց թողնում, որոնք կազմված են պրոտոններից եւ նեյտրոններից, որոնք կարող են սպանել քաղցկեղի բջիջները: Սակայն քաղցկեղի թերապիայի մեջ աստատի ռադիոակտիվ աղերի օգտագործման տեխնոլոգիա մշակելու համար պետք է հասկանալ, թե ինչպես է այս տարրը բացասական իոններ ստեղծում: Քանի որ աստատն էլեկտրոնները որսում է օրգանիզմի առողջ բջիջներից, այն դրանք վերածում է բացասական իոնների, որոնք կարող են վնասել առողջ բջիջները: Հետազոտողներին անհրաժեշտ է ճշգրիտ պատկերացում կազմել այս գործընթացի մասին` բուժման անվտանգ մեթոդներ մշակելու համար:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է