• Latest news

Մարիխուանան կարող է ազդել մարդու մտավոր ունակությունների վրա․ հետազոտություն

7 սեպտեմբերի, 2020  23:43

Մարիխուանայի չափավոր, բայց մշտական օգտագործումը բացասաբար է ազդում մարդու մտավոր ունակությունների վրա: Այս մասին ասվում է նոր հետզոտության մեջ, որի արդյունքները հրապարակվել են Addiction գիտական ամսագրում:

Մարդկանց մտավոր ունակությունների վրա մարիխուանայի ազդեցությունը հասկանալու համար Կոլորադոյի համալսարանի գիտնականները հետազոտություն են անցկացրել մոտ 1200 եղբայրների եւ քույրերի օրինակի վրա: Ինչպես հայտնում է ՏԱՍՍ-ը, ուսումնասիրությունը ցույց է տվել, որ այս թմրամիջոցի չափավոր, բայց կանոնավոր օգտագործումը իսկապես թուլացնում է երիտասարդների մտավոր ունակությունները:

Զգալի բացասական ազդեցություն է նկատվում բանավոր հիշողության հետ կապված: Բացասական փոփոխություններ են գրանցվել ընդհանուր IQ-ի, մտածողության ճկունության եւ աշխատանքային հիշողության մակարդակում։

Ավելին, նախորդ ուսումնասիրությունները ցույց են տվել, որ այս բուսական թմրամիջոցը փոխում է ուղեղի աշխատանքը՝ ժամանակի ընթացքում բթացնելով հաճույքի զգացողության սրությունը: Սա մեծացնում է կախվածության զարգացման ռիսկը, փոխում է մարդու վարքը՝ դրդելով նրան այլ թմրամիջոցներ օգտագործել:

Նախկինում նաեւ պարզվել էր, որ հղիության ընթացքում մարիխուանա օգտագործելը մեծացնում է աուտիզմով եւ մտավոր զարգացման մի շարք խանգարումներով երեխա ունենալու վտանգը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է