• Latest news

Դենսիտոմետրիա․ կարո՞ղ է արդյոք այս հետազոտությունը առողջության համար վտանգ ներկայացնել

7 սեպտեմբերի, 2020  17:53

Օստեոպորոզը վտանգավոր հիվանդություն է, որի դեպքում նվազում է ոսկորների խտությունը եւ մեծանում է կոտրվածքների հավանականությունը, այն կարող է բավական երկար ժամանակ առանց ախտանիշերի ընթանալ: Այս հիվանդության մասին դեռեւս մինչեւ կոտրվածքները կարելի է իմանալ միայն մի հետազոտության միջոցով, որը հայտնի է դենսիտոմետրիա անունով։

Դենսիտոմետրիան օստեոպորոզի վաղ ախտորոշման համար ռենտգենյան մեթոդ է՝ դրա օգնությամբ կարելի է գնահատել ոսկորների հանքային խտությունը, եւ եթե խնդիր հայտնաբերվի, ժամանակին բուժումը կօգնի կանխել կոտրվածքները եւ այլ խնդիրներ, որոնք կարող են առաջանալ ոսկորների խտության նվազման պատճառով:

Որքա՞ն հաճախ կարելի է կատարել դենսիտոմետրիա, եւ կարո՞ղ է արդյոք այս զննումը վտանգ ներկայացնել մարդու առողջության համար։ Այս խնդիրները պարզել NEWS.am Medicine-ին օգնեց Օստեոպորոզի հայկական ասոցիացիայի ղեկավար Վարդա Բաբալյանը:

Նրա խոսքերով՝ քանի որ օստեոպորոզը սովորաբար անախտանիշ է զարգանում, մինչ այն պահը, երբ մարդը կոտրվածք է ունենում թեթեւ հարվածից կամ ընկնելուց, դենսիտոմետրիան խորհուրդ է տրվում իրականացնել կանխարգելիչ նպատակներով, նույնիսկ եթե ձեզ թվում է, որ լիովին առողջ եք՝ տարին մեկ անգամ 65-ից բարձր տարիք ունեցող կանանց եւ 70-ից բարձր տարիք ունեցող տղամարդկանց խորհուրդ է տրվում ստուգել ոսկորների խտությունը:

Ինչ վերաբերում է այս պրոցեդուրայի անվտանգությանը, ապա տարին մեկ անգամ դրա անցկացումը համարվում է անվտանգ` համաձայն եվրոպական եւ ամերիկյան բոլոր կլինիկական ուղեցույցների։ Չնայած դենսիտոմետրիայի անցկացման ժամանակ օգտագործվում են ռենտգենյան ճառագայթներ, պետք է հիշել, որ ճառագայթային ծանրաբեռնվածությունը միայն մի փոքր է գերազանցում բնական ֆոնային ճառագայթմանը:

Այդ պատճառով այս հետազոտությունը բացարձակ հակացուցումներ չունի: Հղիության ընթացքում այն անցկացնելն անցանկալի է, եւ դա թերեւս միակ հակացուցումն է:

Հետազոտության անցկացումը բարդացնում է այնպիսի վիճակը, երբ հիվանդը չի կարող որոշ ժամանակ անշարժ մնալ: Բայց նույնիսկ այդպիսի իրավիճակները միայն հարաբերական հակացուցումներ են համարվում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է