• Latest news

Ակնո՞ց թե՞ ոսպնյակներ․ ո՞րն է նախընտրելի կարճատեսության համար

10 սեպտեմբերի, 2020  20:45

Վաղ թե ուշ կարճատեսություն ունեցող յուրաքանչյուր մարդ կանգնում է հարցի առաջ՝ որն է նախընտրելի՝ ակնո՞ցը թե՞ ոսպնյակները:

Ավագյանի անվան ԲԿ-ի աչքի Էքսիմեր լազերային բաժնի վարիչ եւ Մալայանի անվան ակնաբուժական կենտրոնի նորագույն տեխնոլոգիաների եւ լազերային բուժման բաժնի բժիշկ ԼՈՒՍԻՆԵ ԲԵԿԻՐՍԿԱ-ԹԱՄԱԶՅԱՆԸ NEWS.am Medicine-ին ասաց, որ եւ ակնոցը, եւ ոսպնյակները ունեն ինչպես դրական, այնպես էլ բացասական կողմեր:

Ակնոցը, մասնավորապես, չի դիպչում աչքերի մակերեւույթին, այն դնելը եւ հանելը հեշտ է, եւ այս ամենը կարելի է առավելություն համարել: Սակայն ակնոցը սահմանափակում է տեսադաշտը, եւ որոշ մարդկանց համար դա կարող է թերություն լինել: Բացի այդ, օդի բարձր խոնավության կամ ջերմաստիճանի կտրուկ փոփոխությունների դեպքում ակնոցի ապակիները քրտնում են, ինչը նույնպես կարող է անհարմարություն ստեղծել: Ի դեպ, այս խնդիրը հիմա հատկապես արդիական է՝ ակնոցի ապակիները քրտնում են նույնիսկ բժշկական դիմակները ճիշտ կրելու դեպքում` արտաշնչվող օդի պատճառով:

Ակնոցի մեկ ուրիշ թերությունն այն է, որ եթե ուշադիր չլինես, այն կարելի է կոտրել, իսկ բեկորները տեսականորեն կարող են վնասել աչքերը կամ դեմքի մաշկը:

Ոսպնյակները, ի տարբերություն ակնոց, չեն սահմանափակում տեսադաշտը, ուստի որոշ մասնագիտություններ ունեցող մարդկանց համար դրանք նախընտրելի են: Շատ կանայք նույնպես նախընտրում են ոսպնյակները, քանի որ դրանք չեն ծածկում իրենց աչքերը եւ չեն թաքցնում դիմահարդարումը:

Սակայն եթե ոսպնյակներ կրող մարդը ուշադիր չպահպանի հիգիենայի բոլոր կանոնները, նա կարող է բախվել լուրջ խնդիրների, այդ թվում՝ աչքի ինֆեկցիաների: Բացի այդ, ոչ ճիշտ ընտրված ոսպնյակները կարող են հանգեցնել նաեւ հիպոքսիայի՝ թթվածնի պակասի, ինչը բացասաբար է ազդում եղջերաթաղանթի եւ ընդհանրապես աչքերի վիճակի վրա:

Մասնագետի խոսքերով՝ ակնոցներն ու ոսպնյակները կարճատեսություն ունեցող մարդկանց համար բոլորովին էլ միակ տարբերակը չեն՝ այսօր հասանելի է նաեւ տեսողության լազերային կորեկցիայի մեթոդը, որը հնարավորություն կտա հրաժարվել եւ ակնոցից, եւ ոսպնյակներից:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է