• Latest news

Կորոնավիրուսի համավարակը մեղավոր է ճարպակալմամբ մարդկանց թվի աճի համար

10 սեպտեմբերի, 2020  19:17

Կորոնավիրուսի համավարակի պատճառով աշխարհը կարող է բախվել ճարպակալման գլոբալ համաճարակի: Այսպիսի հայտարարությամբ են հանդես եկել ՄԱԿ-ի փորձագետները, հաղորդում է Bloomberg-ը:

Համավարակը, մասնագետների կարծիքով, շատ մարդկանց զրկել է եկամուտներից եւ ստիպել է նրանց սկսել խնայել առողջ սննդի համար ծախսվող գումարները: ՄԱԿ-ի հաշվարկներով` այսօր շուրջ 3 միլիարդ մարդ չի կարող իրեն թույլ տալ առողջ սնունդ օգտագործել: Սա բացասաբար է ազդում ինչպես առողջության, այնպես էլ մարդկանց քաշի վրա:

ՄԱԿ-ում կարծում են, որ համավարակը կարող է հանգեցնել ճարպակալման գլոբալ համաճարակի, ինչպես նաեւ հաջորդ տասնամյակում տարեկան 1,3 տրիլիոն դոլարով ավելացնել առողջապահական ծախսերը:

Կոպենհագենի եւ Օրհուսի համալսարանների (Դանիա) գիտնականները նույնպես կարծում են, որ համավարակը կարող է հանգեցնել ճարպակալման իրական համաճարակի: Եվ խնդիրը ոչ միայն բարձր կալորիականությամբ էժան մթերքներն են, այլ նաեւ այն փաստը, որ մարդիկ սկսել են ավելի քիչ շարժվել եւ ավելի քիչ մարզվել:

Սակայն խնդիրն այն է, որ ճարպակալումը ռիսկի լուրջ գործոն է մի շարք հիվանդությունների, այդ թվում՝ կորոնավիրուսի վարակի բարդությունների զարգացման համար: COVID-19-ով հիվանդների համար ճարպակալումը ռիսկի ավելի վտանգավոր գործոն է, քան քաղցկեղը: Նույնիսկ երիտասարդների համար ճարպակալումը ռիսկի լուրջ գործոն է համարվում:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ