• Latest news

Երեք դեղամիջոցների համադրությունը կարող է նվազեցնել թոքերի քաղցկեղից մահվան ռիսկը. հետազոտոթյուն

21 սեպտեմբերի, 2020  14:50

Երեք դեղամիջոցների (մետֆորմին, ստատիններ եւ ասպիրին) համադրությունը կարող է նվազեցնել թոքերի քաղցկեղից մահվան ռիսկը: Այս եզրակացությանն են հանգել Սոնգգյունգվան համալսարանի (Հարավային Կորեա) հետազոտողները:

Ինչպես հայտնում է «ՌԻԱ Նովոստի»-ն, կորեացի հիվանդների տվյալների վերլուծությունը ցույց է տվել, որ դրական ազդեցությունը կարելի էր տեսնել այն հիվանդների մոտ, ովքեր միանգամից երեք դեղամիջոց են ընդունել (ամբողջ խմբի մոտ 3.4 տոկոսը կամ 23.163 մարդ): Դեղերի այս համադրությունը 17 տոկոսով նվազեցրել է հիվանդացության եւ մահացության մակարդակը:

Հետազոտությունը պարզել է նաեւ, որ որքան երկար են մարդիկ օգտագործել այդ դեղերը, այնքան ազդեցությունն ավելի ուժեղ է եղել: Այդ համադրությունը նաեւ որպես բավականին արդյունավետ կանխարգելիչ թերապիա է գործել թոքերի քաղցկեղի դեմ:

Ավելի վաղ ապացուցվել էր, որ ասպիրինն ու մետֆորմինը սիներգիստորեն արգելակում են քաղցկեղի բջիջների բազմացումը` AMP-ակտիվացվող պրոտեինկինազայի միացման միջոցով, որը կարեւոր դեր է խաղում քաղցկեղային բջիջներում լիպոգենեզի կարգավորման գործընթացում (ճարպաթթուների առաջացման գործընթաց):

Ըստ գիտնականների` ասպիրինի, ստատինների եւ մետֆորմինի միաժամանակյա օգտագործումը ճնշում է թոքերի քաղցկեղի բջիջների աճի եւ վերարտադրության հետ կապված մի քանի մոլեկուլային ուղիների ակտիվությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է