• Latest news

Ցինկ, D վիտամին եւ կորոնավիրուս. Ի՞նչ է այս մասին հայտնի այսօր

28 սեպտեմբերի, 2020  16:33

Վերջերս մենք հաճախ ենք տեսնում ուսումնասիրություններ COVID-19 կորոնավիրուսի վարակի ընթացքի վրա այս կամ այն վիտամինների եւ հանքանյութերի մասին։ Մեծ ազդեցություն ունեն D վիտամինը եւ ցինկը։

Փորձենք պարզել, թե ինչ է հայտնի այսօր կորոնավիրուսի վարակի ընթացքի վրա այս կարեւոր տարրերի ազդեցության մասին:

D վիտամինը եւ կորոնավիրուսը

Համարվում է, որ D վիտամինը կարող է բարձրացնել COVID-19-ով պացիենտների գոյատեւումը: Մեծ Բրիտանիայի Առողջապահության եւ առաջավոր փորձի ազգային ինստիտուտի մասնագետները կարծում են, որ կորոնավիրուսով տառապող մարդիկ ավելի շատ են վտանգված մահավան, եթե D վիտամինի անբավարարություն ունեն:

Եղիսաբեթ թագուհու հիվանդանոցի հիմնադրամի եւ Արեւելյան Անգլիայի համալսարանի հետազոտողները, իրենց հերթին, նաեւ պարզել են, որ COVID-19 կորոնավիրուսի վարակից մահը հակադարձ համեմատական է օրգանիզմում D վիտամինի պարունակությանը՝ D վիտամինի պակաս ունեցող մարդիկ ավելի հաճախ են մահացել նոր կորոնավիրուսից:

Սակայն ոչ բոլոր գիտնականներն են համաձայն կորոնավիրուսից բարձր մահացության եւ մարդկանց օրգանիզմում D վիտամինի պակասի կապի առկայութան հետ: Օրինակ, վիրուսաբան Ալեքսանդր Չեպուրնովը (Ռուսաստան) կարծում է, որ երկրում D վիտամինի մակարդակի եւ վարակվածների թվի համեմատումը «պատահական զուգադիպության չափազանց մեծ հավանականություն» ունի:

Սուրեյի համալսարանի նոր ուսումնասիրությունը նույնպես վիճարկում է այն տեսությունը, որ D վիտամինի մեծ քանակությունը կարող է օգնել պայքարել COVID-19-ի դեմ եւ խուսափել ծանր ախտանիշներից:

Սակայն ոչ ոք չի կասկածում, որ D վիտամինը շատ կարեւոր դեր ունի օրգանիզմում, եւ որ դրա պակասը կարող է հանգեցնել մի շարք խնդիրների, այդ թվում` սրտանոթային համակարգի եւ ոսկորների հետ կապված:

Ցինկը եւ կորոնավիրուսը

Ցինկը նույնպես կարեւոր դեր է խաղում օրգանիզմում, մասնավորապես այն նպաստում է լեյկոցիտների արտադրությանը, որոնք օգնում են պայքարել վարակների դեմ: Հետեւաբար, համարվում է, որ ցինկի ցածր մակարդակը կարող է հանգեցնել իմունային համակարգի հետ կապված խնդիրների:

Վերջերս կատարված ուսումնասիրությունը ցույց է տվել, որ օրգանիզմում ցինկի անբավարարությունը կարող է մեծացնել COVID-19-ի բացասական ելքի ռիսկը:

Գիտնականները հաշվարկել են, որ արյան պլազմայում ցինկի յուրաքանչյուր լրացուցիչ միկրոգրամը 7%-ով նվազեցնում է COVID-19-ից մահվան հավանականությունը: Արյան մեջ ցինկի մակարդակը մեկ դեցիլիտրում 50 միկրոգրամից ցածր լինելու դեպքում կորոնավիրուսից մահանալու ռիսկը 2,3 անգամ ավելի բարձր է, քան ցինկի ավելի բարձր խտության դեպքում:

Նշենք, որ ցինկը պարունակվում է կենդանական ծագման տարբեր մթերքներում, որոնց թվում են ծովամթերքնեը, տավարի միսը, ձուն: Ցինկի խորհուրդ տրվող օրական չափաբաժինը տղամարդկանց համար 11 միլիգրամ է, կանանց համար՝ 8 միլիգրամ:

Պե՞տք է արդյոք ցինկ եւ D վիտամին ընդունել

D վիտամինն ու ցինկը, իհարկե, շատ կարեւոր են օրգանիզմի համար, բայց դա չի նշանակում, որ պետք է սկսել դրանց պարունակությամբ սննդային հավելումներ ընդունել: Հիշեք, որ վիտամինների եւ հանքանյութերի ավելցուկը կարող է նույնիսկ ավելի վտանգավոր լինել, քան դրանց պակասը: Նախքան ցանկացած միջոցի, այդ թվում առաջին հայացքից անվնաս վիտամինների ընդունումը, խորհուրդ է տրվում դիմել բժշկի: Կարելի է նաեւ նույն վիտամինների եւ հանքանյութերի պարունակության որոշման համար անալիզներ հանձնել՝ հասկանալու համար արդյոք ձեր օրգանիզմում դրանց անբավարարություն կա, եւ պետք է արդյոք որեւէ բան ձեռնարկել։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է