• Latest news

Գիտնականները մահացու վտանգավոր աղիքային ցուպիկի դեմ միջոց են գտել

1 հոկտեմբերի, 2020  09:45

Ավստրալիայի Նոր Հարավային Ուելսի համալսարանի գիտնականները հավանական արդյունավետ միջոց են գտել Escherichia coli (EHEC) աղիքային ցուպիկի մահացու վտանգավոր շտամի դեմ, որն աղիքային ծանր ինֆեկցիա է առաջացնում: Այս մասին հաղորդվում է Proceedings of the National Academy of Academy ամսագրում հրապարակված ուսումնասիրության մեջ:

EHEC-ը օրգանիզմի մեջ է ընկնում սննդի հետ եւ սկսում է շիգի տոքսին արտազատել, որը խախտում է երիկամների եւ նյարդային համակարգի ֆունկցիաները: Այս վարակի դեմ պայքարի միջոցները քիչ արդյունավետ են, քանի որ միայն ավելացնում են տոքսինի արտադրությունը: Սակայն այժմ գիտնականները հայտնաբերել են մոլեկուլային ուղի, որը վերահսկում է վնասակար միացության սինթեզը:

Տոքսինն ինքը կոդավորվում է աղիքային ցուպիկի բջիջներում պարունակվող լյամբդոիդային բակտերիոֆագերի վիրուսների գենոմով: Գիտնականները պարզել են, որ գոյություն ունի տեղեկատվական ՌՆԹ (գեների ակտիվության ուղղակի արտադրանք), որը հասունանալով դառնում է ոչ կոդավորող կարգավորող ՌՆԹ, որն էլ կարող է ճնշել տոքսինների արտադրությունը: Դեղամիջոցները, որոնք ազդում են այս ՌՆԹ-ի վրա կամ նույն կերպ են գործում, կարող են անվտանգ դարձնել բակտերիաների վրա հակաբիոտիկների ազդեցությունը:

Նշենք, որ էնտերոհեմորագիկ աղիքային ցուպիկը պարունակվում է հիմնականում կովերի եւ ոչխարների կղանքներում, եւ մարդիկ կարող են վարակվել գյուղատնտեսական կենդանիների կամ նրանց կղանքի հետ շփվելիս: Մարդուց մարդուն փոխանցման մեկ այլ հնարավոր ուղի են այն դեպքերը, երբ մարդիկ շփվում են հիվանդ մարդու թեկուզ չնչին կղանքի հետ կամ կպչում են աղտոտված մակերեւույթներին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է