• Latest news

Ինչու է կորոնավիրուսի հակամարմինների մակարդակը նվազում

19 հոկտեմբերի, 2020  19:47

Կորոնավիրուսի հակամարմինների մակարդակի իջեցման գործընթացը բոլորովին էլ իմունիտետի թուլացման նշան չէ: Այսպիսի կարծիք է հայտնել ՌԳԱ Պաստերի անվան Սանկտ Պետերբուրգի համաճարակաբանության եւ մանրէաբանական հետազոտությունների ինստիտուտի տնօրեն, ակադեմիկոս Արեգ Թոթոլյանը:

«Հակամարմինների մակարդակի իջեցումը չի նշանակում իմունիտետի վերացում, քանի որ ձեւավորվում են «հիշողության բջիջներ» եւ հակամարմիններ արտադրող բջիջներ, որոնք վիրուսի հետ կրկին հանդիպման դեպքում պետք է իմունային պաշտպանություն ապահովեն»,- ասել է մասնագետը։

Ինչպես փոխանցում է ՏԱՍՍ-ը, ՌԳԱ ակադեմիկոսը նշել է, որ այս բջիջների շնորհիվ շատ պացիենտներ, ովքեր ունեցել են COVID-19 կորոնավիրուսային վարակ, կրկին չեն վարակվում: Ըստ նրա, հակամարմինները արտադրվում են նաեւ վարակի անախտանիշ ընթացքի դեպքում, բայց միեւնույն ժամանակ, դրանք ավելի քիչ կայուն են լինում, քան ակնհայտ ախտանիշների դեպքում։

«Սրա հետ կապված՝ չափազանց կարեւոր հարց է այդ անձանց բջջային իմունիտետի ուսումնասիրությունը եւ այն հարցի պատասխանի որոնումը, թե ձեւավորվում է արդյոք նրանց մոտ բջջային իմունիտետ, թե ոչ»,- ասել է Թոթոլյանը:

Մասնագետը հավելել է, որ բացարձակապես բոլորը, անկախ նրանից հիվանդացել են, թե ոչ, պետք է պահպանեն կորոնավիրուսի «ոչ սպեցիֆիկ կանխարգելման» միջոցառումները, այդ թվում՝ պաշտպանիչ դիմակներ կրեն, սոցիալական հեռավորություն պահպանեն եւ ձեռքերը պարբերաբար ու մանրակրկիտ լվանան:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել