• Latest news

Արդյունավետ են արդյո՞ ք բերանի ողողման հեղուկները կորոնավիրուսի դեմ

20 հոկտեմբերի, 2020  16:11

Պենսիլվանիայի բժշկական քոլեջի հետազոտողների կարծիքով` բերանի ողողման համար որոշ հակասեպտիկներ եւ հեղուկներ կարող են ապաակտիվացնել կորոնավիրուսները:

Նրանց խոսքով` այս հեղուկներից մի քանիսը կարող են օգտակար լինել վարակվելուց հետո վիրուսային բեռը կամ բերանում վիրուսների քանակը նվազեցնելու համար` այդպիսով նվազեցնելով SARS-CoV-2 կորոնավիրուսի տարածումը:

Նոր հետազոտության ընթացքում վերոհիշյալ գիտնականները բերանի եւ կոկորդի ողողումների մի քանի հեղուկ են փորձարկել լաբորատոր պայմաններում` ստուգելով դրանց` մարդկային կորոնավիրուսները ապակտիվացնելու ունակությունը: Փորձարկվող նյութերի ցանկում ներառված էր մանկական շամպունի մեկ տոկոսանոց լուծույթը, ջրածնի պերեկիսի հիմքով եւ առանց դրա քթի լվացման եւ բերանի ողողման հեղուկներ:

Ինչպես պարզվել է, մանկական շամպունի լուծույթը երկու րոպե շփումից հետո ապաակտիվացրել է կորոնավիրուսի ավելի քան 99.9 տոկոսը: Քթի լվացման եւ բերանի ողողումների հեցղուկները նույնպիսի արդյունք են ցույց տվել, սակայն` ընդամենը 30 վայրկյանի ընթացքում:

Հիշեցնենք, որ վերջերս Բրիստոլի համալսարանի ստոմատոլոգիայի պրոֆեսոր Մարտին Ադին ասել էր, որ, իր կարծիքով, ատամի մածուկով ատամների կանոնավոր մաքրումը, կանխարգելիչ այլ միջոցների հետ մեկտեղ (դիմակ կրել, հեռավորությունը պահպանել, լվանալ ձեռքերը) կարող է լրացուցիչ պաշտպանություն ապահովել կորոնավիրուսից:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։