• Latest news

Գրիպի ժամանակ ո՞ր դեպքում է կարելի հակաբիոտիկներ ընդունել

22 հոկտեմբերի, 2020  13:56

Ցրտերի գալուն պես սկսվում է գրիպի եւ սուր շնչառական վարակների սեզոնը, որոնք այժմ տարածվում են կորոնավիրուսին զուգընթաց:

Ինչպես հայտնում է «Ռոսպոտրեբնադզոր»-ը, գրիպը որպես կանոն ամենից ծանր են տանում երեխաներն ու 60-ից բարձր տարիք ունեցող մարդիկ: Ռիսկի խմբում են նաեւ թոքերի քրոնիկ հիվանդություններ, սրտանոթային համակարգի, լյարդի, երիկամների հետ կապված խնդիրներ ունեցող մարդիկ: Իմունադեֆիցիտային վիճակով պացիենտները եւ հղի կանայք եւս կարող են բախվել գրիպի պատճառով բարդացումների հետ:

Ինչպես հայտնի է, գրիպը հեշտությամբ փոխանցվում է օդակաթիլային ճանապարհով եւ կեղտոտ ձեռքերի միջոցով: Գրիպի հիմնական ախտանիշներն են բարձր ջերմությունը, սարսուռը, ընդհանուր թուլությունը, գլխացավը, մկանային ցավը, ուժասպառությունը, ախորժակի անկումը, ինչպես նաեւ սրտխառնոցը:

Որպես կանոն՝ ախտանիշները պահպանվում են մոտ 5 օր: Եթե ջերմությունը երկար է պահպանվում, ապա դա կարող է ցույց տալ, որ բարդացումներ զարգացում: Գրիպի ժամանակ ամենից հաճախ հանդիպող բարդացումներից են թոքաբորբը (մահվան հավանականությունը՝ 40 տոկոս), էնցեֆալիտները, մենինգիտները, քրոնիկ հիվանդությունների սրումը: Իսկ հղի կանանց մոտ կարող են լինել տարբեր բարդացումներ, այդ թվում պտղի ախտաբանություն:

Բժիշկները զգուշացնում են, որ գրիպով վարակվելու ժամանակ չի կարելի առաջին օրերին հակաբիոտիկներ կիրառել, քանի որ դրանք նախատեսված են մանրէների, այլ ոչ թե վիրուսների դեմ պայքարի համար: Հակառակը, դրանք կարող են վատացնել գրիպի ժամանակ պացիենտի վիճակը:

Մասնագետների խոսքով՝ դրանք կարելի է կիրառել այն դեպքում, եթե պացիենտի մոտ զարգացել են բարդացումներ: Սակայն նույնիսկ այդ դեպքում ինքնուրույն հակաբիոտիկներ կիրառել չի կարելի, դրանք պետք է նշանակի բժիշկը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է