• Latest news

Սառը ջուրը կարող է օգտակար լինել դեմենցիայի կանխարգելման համար

23 հոկտեմբերի, 2020  21:22

Քեմբրիջի համալսարանի գիտնականները պարզել են, որ սառը ջուրը կարող է օգտակար լինել դեմենցիայի կանխարգելման համար:

Ինչպես պատմում է «Новости Mail.RU»-ն, գիտնականների խումբը հետազոտել է օրգանիզմի ֆիզիոլոգիական ռեակցիաները սառը ջրի նկատմամբ՝ ուսումնասիրելով լողորդներին, ովքեր ամբողջ տարին լողում են Parliament Hill Lido բաց լողավազանում, որտեղ ջուրը չի տաքացվում:

Ձմռանը պարբերաբար սառը ջրի մեջ սուզվող լողորդների արյան մեջ հայտնաբերվել է RBM3 սպիտակուցի բարձր մակարդակ, որը հայտնի է որպես «սառը շոկի սպիտակուց»: Դա ներբջջային սպիտակուց է, որի պարունակությունը մեծանում է շրջակա միջավայրի ջերմաստիճանի իջեցման դեպքում: RBM3-ը արտադրվում է ձմռան քուն մտնող եւ դրանից դուրս եկող կաթնասունների մեջ: Համարվում է, որ այս սպիտակուցը կանխում է նեյրոնների մահը ձմեռային քնի ժամանակ եւ վերականգնում է նեյրոնային կապերը դրանից դուրս գալիս:

Դեռեւս 2015-ին կատարված ուսումնասիրությունը ցույց է տվել, որ նեյրոդեգեներացիայով մկների օրգանիզմը մինչեւ 16-18 աստիճան Ցելսիուս սառեցնելը հանգեցրել է RBM3 սպիտակուցի ակտիվ արտադրմանը եւ քայքայված նեյրոնային կապերի վերականգնմանը: Նոր ուսումնասիրության վերջնական եզրակացությունները դեռ չեն հրապարակվել, բայց փորձագետները կարծում են, որ սառնության (օրինակ` սառը ջրի) օգտագործումը արդեն կարող է առաջարկվել դեմենցիայի կանխարգելման եւ բուժման համար: Բացառված չէ նաեւ այնպիսի դեղամիջոցի հայտնագործումը, որը ձմեռային լողի պատրանք կստեղծի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է