• Latest news

Ինչպե՞ս է իրականցվում կորոնավիրուսով պացիենտների տեսակավորումը

22 հոկտեմբերի, 2020  23:05

Կորոնավիրուսային վարակով պացիենտների տեսակավորում Հայաստանում իրականացվում է եւ միշտ իրականացվել է: Տրիաժ կենտրոնը, որը զբաղվում է այդ տեսակավորմամբ, գործում է Սուրբ Գրիգոր Լուսավորիչ բժշկական կենտրոնում: Այս մասին լրագրողների հետ զրույցում ասաց ՀՀ ԱՆ հիվանդությունների վերահսկման եւ կանխարգելման ազգային կենտրոնի բժիշկ-համաճարակաբան Լուսինե Պարոնյանը:

Նրա խոսքով՝ տրիաժ կենտրոնին է ներկայացվում բոլոր հայտնաբերված հիվանդների վիճակը, եւ մասնագետները, կախված պացիենտի տարիքից, առողջական վիճակից, ուղեկցող հիվանդություններից եւ այլ տվյալներից, որոշում են կայացնում, թե որտեղ պետք է տեղավորվի տվյալ պացիենտը եւ ինչպես պետք է ընթանա նրա բուժումը:

Հիշեցնենք, որ այս պահի դրությամբ Հայաստանի հիվանդանոցներում կորոնավիրուսային վարակով մոտ 2000 պացիենտ է բուժվում:

53 պացիենտներ միացված են թոքերի արհեստական օդափոխության (ԹԱՕ) սարքերին: COVID-19-ով 589 պացիենտներ ծանր վիճակում են, իսկ եւս 139-ի վիճակը գնահատվում է ծայրահեղ ծանր կամ կրիտիկական: 

Ներկա դրությամբ, շատ են նաեւ հիվանդները, ովքեր հոսպիտալացման կարիք ունեն, սակայն ստիպված են սպասել, որ հիվանդանոցներից մեկում տեղ ազատվի եւ որ իրեն կարողանան ընդունել: Քիչ չեն նաեւ դեպքերը, երբ ծանր հիվանդներին ստացիոնար պայմաններում բուժում են մեկ-երկու օր, վիճակը կայունացնում են եւ դուրս գրում, որպեսզի կարողանան հաջորդ պացիենտներին ընդունել:

Կորոնավիրուսով չվարակվելու համար անհրաժեշտ է խստորեն հետեւել երեք պարզ կանոններին՝ կրել դիմակ, հաճախակի լվանալ կամ ախտահանել ձեռքերը եւ սոցիալական հեռավորություն պահպանել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ