• Latest news

Օստեոպորոզի դեմ դեղամիջոցը կփորձարկվի կորոնավիրուսի դեմ

29 հոկտեմբերի, 2020  21:58

Քանի դեռ կորոնավիրուսի դեմ արդյունավետ պատվաստանյութեր չկան, մասնագետները հիվանդներին կփորձեն բուժել օստեոպորոզի դեմ դեղամիջոցով` ռալոքսիֆենով: Իտալիայում մարդկանց վրա ռալոքսիֆենի կլինիկական փորձարկումներն արդեն հաստատում են ստացել:

Երեքշաբթի Իտալիայի գլխավոր կարգավորիչ մարմինը հաստատել է ռալոքսիֆենի` օստեոպորոզի դեմ դեղամիջոցի կլինիկական փորձարկումները: Մասնագետները հիմքեր ունեն համարելու, որ դեղամիջոցը կարող է պակաս վարակիչ դարձնել COVID-19 ունեցող հիվանդներին եւ նվազեցնել ախտանիշների սրությունը:

Գիտնականներն ուշադրություն են դարձրել այս դեղամիջոցի վրա հետազոտությունից հետո, երբ գերհամակարգիչները ստուգել են ավելի քան 400.000 մոլեկուլների քիմիական հատկությունները, որոնք կարող են զսպել վիրուսը (հատուկ ուշադրություն է դարձվել մարդկանց օգտագործման համար արդեն հաստատված դեղամիջոցներին):

Ռալոքսիֆենը, գործելով որպես էստրոգեն ընկալիչների ընտրովի մոդուլյատոր, կարող է արգելափակել վիրուսների վերարտադրությունը բջիջներում: Սա կանխում է վիճակի վատթարացումը մեղմ ախտանիշների դեպքում, սահմանափակում է վիրուսային բեռը եւ նվազեցնում վարակելիությունը:

Ռալոքսիֆենը նախատեսված է օրգանիզմում էստրոգենի հորմոնի ցածր մակարդակ ունեցող տարեց կանանց ոսկորներն ամրացնելու համար: Կորոնավիրուսի համավարակի սկզբում որոշ ապացույցներ կային, որ մենոպաուզայի մեջ գտնվող կանանց մոտ առկա էստրոգենը կարող է պաշտպանական ազդեցություն ունենալ նոր վիրուսի դեմ: Որոշ գիտնականներ կարծում են, որ օստեոպորոզի դեմ դեղամիջոցը կարող է այդպիսի պաշտպանություն ապահովել:

Նախ դեղամիջոցի կիրառմամբ կլինիկական փորձարկումներին կմասնակցի 450 հիվանդ, ապա` եւս 174 մարդ: Հետազոտության հեղինակները կարծում են, որ գուցե հնարավոր լինի այլ դեղամիջոցներ եւս բացահայտել, որոնք իրենց արդյունավետությամբ գերազանցում են ռալոքսիֆենին:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է