• Latest news

Երեխաներն իսկապես հազվադեպ են վարակվում կորոնավիրուսով․ հետազոտություն

25 նոյեմբերի, 2020  20:08

Երեխաներն իսկապես ավելի հազվադեպ են վարակվում կորոնավիրուսով եւ սովորաբար կարոնավիրուսային ինֆեկցիան թեթեւ են տանում կամ ասիմպտոմ կրողներ են։ Այս մասին արդեն բավականին վաղուց է հայտնի, եւ ԱՄՆ-ից բժիշկների խմբի նոր հետազոտությունը դա հաստատել է։

Գիտնականները վերլուծել են 1-ից մինչեւ 18 տարեկան ավելի քան 135 հազար երեխաների կորոնավիրուսի ախտորոշման թեստավորման արդյունքները, որոնց հետազոտել են ամերիկյան 7 հիվանդանոցներում, հայտնում է Medportal.ru-ն։ Ապրիլից սեպտեմբեր միայն 5374 (4 տոկոսը) երեխաների մոտ է հաստատվել կորոնավիրուսը, հոսպիտալացման կարիք է ունեցել նրանցից 359-ը։ Մահացել է 8 վարակված երեխա, ընդ որում՝ նրանցից 6-ի մոտ ախտորոշվել են բարդ քրոնիկական հիվանդություններ։

Գիտնականների խոսքով՝ կան մի քանի գործոններ, որոնք կարող են ազդել կորոնավիրուսով երեխաների վարակվելու հավանականության վրա։ Այսպես՝ սրտի հիվանդություններով երեխաները 18 տոկոսով ավելի հաճախ են վարակվել կորոնավիրուսով՝ նրանց համեմատությամբ, ովքեր առողջական այդպիսի խնդիրներ չունեն։ Մենթալ խանգարումներով երեխաների շրջանում վարակման հավանականությունը մեծացել է մինչեւ 20 տոկոսով։ Հատկանշական է, որ անամնեզում ասթմայի եւ շնչառական այլ հիվանդությունների առկայությունը ոչ մի կերպ չի ազդել SARS-CoV-2-ով վարակվելու հավանականության վրա։

Հետազոտությունը նաեւ ցույց է տվել, որ վարակման հավանականությունը ավելի մեծ է սեւամորթ, ինչպես նաեւ ասիական եւ լատինաամերիկյան ծագմամբ պացիենտների շրջանում։ Այսպես՝ սեւամորթ երեխաների շրջանում 2,66 անգամ ավելի մեծ է դրական թեստ ստանալու հավանականությունը, իսկ լատինաամերիկացիների եւ ասիացիների շրջանում՝ 3,75 եւ 2,04 անգամ։ Դրանից բացի, սպիտակամորթ երեխաների համեմատությամբ՝ այսպիսի պացիենտների շրջանում զգալիորեն մեծ է COVID-19-ի դեպքում բարդությունների հավանականությունը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ