• Latest news

Կտորե դիմակներ․ Դրանք նորով փոխարինելու ժամանա՞կը չէ արդյոք

26 նոյեմբերի, 2020  20:12

Որոշ մարդկանց դեպքում կտորե դիմակները կորոնավիրուսի համավարակի հասակակիցն են․ մարդիկ արդեն քանի ամիս կրում են այդ դիմակները՝ այն պարբերաբար լվանալով։ Հնարավոր է, որ դրանք փոխարինելու ժամանակն է, պնդում է Թեմփլի համալսարանից համաճարակաբան Քրիս Ջոնսոնը։

«Նոր, թարմ դիմակը, մեծ հավանականությամբ, կունենա ավելի խիտ գործվածք, ուստի այն ավելի արագ կզսպի դրսից մասնիկների թափանցումը եւ ձեր արտաշնչած մասնիկները կպահի ներսում»,- ասել է մասնագետը։

Նրա խոսքով՝ կանոն պետք է դարձնել դիմակը գոնե սեզոնը մեկ անգամ փոխելը։

Այն, թե որքան արագ է մաշվում կտորե դիմակը, կախված է տարբեր գործոններից՝ նյութից, որից պատրաստված է, ինչպես նաեւ այն բանից, թե որքան հաճախ են կրում եւ լվանում, փոխանցում է Medportal.ru-ն։

Հաստատապես դիմակը պետք է փոխել, եթե նրա վրա թեկուզ աննշան անցք է առաջացել։ Եթե դիմակը լույս է անցկացնում դրա միջով լույսի աղբյուրին նայելիս, ապա այն, ավելի շուտ, օգտագործման համար պիտանի չէ․ կտորը մաշվել է կամ ի սկզբանե պիտանի չի եղել։ Այն բանի նշանը, որ դիմակը պիտանի չէ, կարող է լինել ականջի առաձգական կապերի երկարելը։ Եթե դիմակը դեմքին կիպ չի նստում, ապա դա վկայում է, որ այն չի կարող իր գործառույթը կատարել, հիշեցնում է մասնագետը։

Ջոնսոնը խորհուրդ է տալիս  համավարակի պայմաններում հետը մի քանի հատ դիմակ ունենալ։ Դա հատկապես արդիական է ցուրտ եղանակին, երբ դիմակն արագ խոնավանում է․ ինչպես հայտնի է, խոնավ դիմակը չի պաշտպանում, իսկ դրա միջով շնչելը ավելի է դժվարանում, ուստի անհրաժեշտ է այն չորով փոխել։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է