• Latest news

Արհեստական ​​բանականությունը կօգնի COVID-19-ով հիվանդների հայտնաբերել

1 դեկտեմբերի, 2020  12:58

Հյուսիսարեւմտյան համալսարանի գիտնականներն արհեստական ​​բանականություն են մշակել, որը COVID-19 է հայտնաբերում թոքերի ռենտգենյան պատկերների վերլուծության միջոցով:

FIT-ը հայտնում է, որ DeepCOVID-XR անվանումը ստացած մեքենայական ուսուցման ալգորիթմը գերազանցել է մասնագիտացված ռենտգենոլոգների թիմին. այն ռենտգենյան պատկերների միջոցով մոտ 10 անգամ ավելի արագ եւ ավելի ճշգրիտ է հայտնաբերել վարակը:

Հետազոտողների խոսքով` բժիշկները կարող են արհեստական ​​ինտելեկտի համակարգն օգտագործել հիվանդանոցներ ընդունված հիվանդներին արագ հետազոտության համար: Ծրագրի կողմից ընտրված հիվանդները կարող են ավտոմատ կերպով մեկուսացման եւ թեստավորման ուղարկվել:

Մշակման հեղինակների կարծիքով` ռենտգենն այսօր էժան եւ բավականին անվտանգ հետազոտության մեթոդ է համարվում: Եվ համակարգին ընդամենը մի քանի վայրկյան է անհրաժեշտ` հիվանդին ստուգելու եւ պարզելու` արդյոք նա մեկուսացման կարիք ունի, թե ոչ:

Հետազոտողները կրծքավանդակի 17.002 ռենտգենյան պատկեր են օգտագործել` նոր ալգորիթմի մշակման եւ փորձարկման համար: Այս պատկերներից 5445-ը ստացվել է կորոնավիրուսով վարակված հիվանդներից:

Թիմը DeepCOVID-XR-ի փորձարկում է իրականացրել` համեմատելով ծրագրային վերլուծության արդյունքները հինգ փորձառու ռենտգենոլոգների գնահատականի հետ: Յուրաքանչյուր ռենտգենոլոգից 2.5-3.5 ժամ է պահանջվել` 300 պատկերներից ներկայացված հավաքածուն ուսումնասիրելու համար, մինչդեռ արհեստական ​​ինտելեկտը դա արել է ընդամենը 18 րոպեում: Ռենտգենոլոգների գնահատականի ճշգրտությունը 76-81 տոկոս էր, DeepCOVID-XR-ինը` 82 տոկոս:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է