• Latest news

Որտե՞ղ է կորոնավիրուսով վարակվելու ռիսկն ավելի բարձր

3 դեկտեմբերի, 2020  10:58

Ինքնամեկուսացման ընթացքում ընտանիքի անդամից կորոնավիրուսով վարակվելու հավանականությունը շատ ավելի բարձր է, քան հասարակական տրանսպորտում վարակվելու ռիսկը: Այսպիսի եզրակացության են հանգել չինացի գիտնականները, ովքեր իրենց արդյունքները հրապարակել են Science ամսագրում:

Նրանք վերլուծել են Չինաստանի Հուբեյ նահանգի սահմանակից Հունան նահանգի 1.178 հիվանդների տվյալները, որի վարչական կենտրոնը` Ուհան քաղաքը կորոնավիրուսի տարածման աղբյուր դարձավ 2019-ի վերջին:

Պարզվել է, որ կորոնավիրուսով վարակման ամենացածր ռիսկը բժշկական հաստատություններում է, եթե, իհարկե, այնտեղ պահպանվել են բոլոր պաշտպանական միջոցառումները: Սակայն ռիսկի մակարդակն աճում էր շփումների մոտեցմանը զուգահեռ: Հետաքրքիր է, որ վարակման ռիսկն ավելի ցածր էր հասարակական տրանսպորտում, հանրային սննդի հաստատություններում եւ զվարճանքի վայրերում, սակայն հարազատների լայն շրջանակի հետ շփվելիս ռիսկը նկատելիորեն աճել է:

Հետազոտության հեղինակների կարծիքով` կորոնավիրուսով վարակման ամենամեծ ռիսկը եղել է այն ընտանիքում, որի անդամները միասին են ապրում: Հնարավոր է` բանն այն է, որ ինքնամեկուսացման ընթացքում նրանք ավելի հաճախ են շփվում միմյանց հետ: Ընդ որում, որքան երկար են նույն ընտանիքի անդամները, որում հիվանդ մարդ կա, միասին են գտնվում, այնքան մեծ է նրանից մյուսների վարակման վտանգն. Ըստ գիտնականների` վարակված անձի հետ նույն տանը անցկացրած յուրաքանչյուր օր 10 տոկոսով մեծացնում է հիվանդության փոխանցման հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է