• Latest news

Թույլ իմունիտետով մարդիկ COVID-19-ից հետո մինչեւ 2 ամիս կարող են վարակիչ մնալ․ հետազոտություն

3 դեկտեմբերի, 2020  23:22

Թույլ իմունիտետով մարդիկ, օրինակ, քաղցկեղով հիվանդները, ովքեր բուժվում են իմունիտետն իջեցնող դեղամիջոցներով, COVID-19-ից հետո մինչեւ 2 ամիս կարող են վարակիչ մնալ: Այս մասին հաղորդվում է «Մաունթ Սինայ» բժշկական կենտրոնի գիտնականների ոչ մեծ հետազոտության մեջ, որի արդյունքները հրապարակվել են New England Journal of Medicine-ում:

Ինչպես հայտնում է Medportal.ru-ն, հետազոտության հեղինակները դիտարկել են 20 պացիենտների, ովքեր չարորակ ուռուցքների բուժում են անցել եւ իմունիտետը իջեցնող դեղամիջոցներ են ստացել: Նրանք բոլորը COVID-19 են տարել, որից հետո գիտնականները մի քանի շաբաթ կանոնավոր կերպով նրանցից կորոնավիրուսի անալիզի համար քթաըմպանի քսուք եւ խորխի նմուշներ են վերցրել:

COVID-19-ի ախտանիշների ի հայտ գալուց հետո մինչեւ 78-րդ օրը գիտնականները կորոնավիրուսի ՌՆԹ էին հայտնաբերում այս պացիենտների լորձի եւ խորխի մեջ: Որպեսզի պարզեն, կենդանի են արդյոք այս վիրուսները եւ կարող են արդյոք հիվանդություն առաջացնել, հետազոտության հեղինակները ստուգել են, թե արդյոք դրանք կարող են բազմանալ լաբորատոր պայմաններում: 11 պացիենտների մոտ գիտնականները գոնե մեկ անգամ կարողացել են կենսունակ վիրուսներ առանձնացնել: Հինգ հիվանդներ ունեցել են վիրուսներ, որոնք ունակ են բազմանալ 51-61 օրվա ընթացքում: Նրանցից երկուսը ստացել են արյունաստեղծ ցողունային բջիջների փոխպատվաստում, մեկը`քաղցկեղի իմունոթերապիա, եւս երկուսը` քաղցկեղի փորձարարական բուժում:

Ըստ հետազոտության հեղինակների, թույլ իմունիտետով պացիենտների համար կարող է անհրաժեշտ լինել փոխել COVID-19 տարած մարդկանց մեկուսացնելու ընթացիկ ուղեցույցները: Նրանց խոսքով՝ ԱՄՆ հիվանդությունների վերահսկման եւ կանխարգելման կենտրոնների (CDC) ընթացիկ կողմնորոշումը նման հիվանդների համար հիմնված է սահմանափակ տվյալների վրա: Այս ուղեցույցներում նշվում է, որ հիվանդները կարող են վարակիչ մնալ մինչեւ 20 օր, թեեւ ՌՆԹ-ի արտադրությունը կարող է շարունակվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է